షాకిచ్చే రేటుకు 'ఎన్టీఆర్' బయోపిక్ ఆడియో రైట్స్

Hyderabad, First Published Nov 26, 2018, 3:18 PM IST | Last Updated Nov 26, 2018, 3:21 PM IST

నందమూరి అభిమానులు మాత్రమే కాదు..సినిమా ప్రియులందరి దృష్టి ఇప్పుడు 'ఎన్టీఆర్' బయోపిక్ పైనే వుంది. ఈ సినిమాకి సంబంధించిన షూటింగ్ చేస్తూనే క్రిష్ ..ఈ సినిమాకు చెందిన ఫొటోలు రిలీజ్ చేస్తూ హల్ చల్ సృష్టిస్తున్నారు. దానికి తోడు ఈ సినిమా కోసం హన్సికను .. పాయల్ రాజ్ పుత్ ను తీసుకోవడంతో, ఈ సినిమాపై అందరిలోను మరింతగా ఆసక్తి పెరిగిపోతోంది. దాంతో ఈ సినిమాపై క్రేజ్ ఆకాశాన్ని అంటుతోంది. దాంతో అదే స్దాయిలో బిజినెస్ సైతం జరుగుతోంది. ఈ నేపథ్యంలో ఈ సినిమా ఆడియో హక్కులు భారీ రేటుకు అమ్ముడయ్యాయి.

ట్రేడ్ వర్గాల నుంచి అందుతున్న సమాచారం ప్రకారం ...ఈ సినిమా ఆడియో హక్కులను 'లహరి' సంస్థ సొంతం చేసుకుంది. ఈ రైట్స్ ని ఆ సంస్థ 2 కోట్లు ఇచ్చి తీసుకుంది. వాస్తవానికి ఆడియో మార్కెట్ ఇప్పుడు లేదు. ఆడియో అమ్మకాలు తగ్గిపోయి చాలాకాలమే అయింది. అయితే ఆన్ లైన్ ఫ్లాట్ ఫారమ్ లకు విడివిడిగా రైట్స్ ఇవ్వడం ద్వారా లాభాలు బాగానే వస్తున్నాయి. ఆడియో బాగుంటే ఆన్ లైన్ ఆదాయం బాగుంటుందని, అందులోనూ క్రేజీ ప్రాజెక్టు అని.., 'లహరి' సంస్థ భారీ రేటుకు కొనుగోలు చేసిందని తెలుస్తోంది.

ఈ ఉషారులో టీమ్ ఈ చిత్రం ఆడియో వేడుకను ఘనంగా నిర్వహించాలని ప్లాన్ చేస్తున్నారు. డిసెంబర్ 16న తిరుపతిలో నిర్వహించే ఆ ఈవెంట్ కు రాజకీయ ప్రముఖుల్ని అలాగే ఇతర ప్రముఖ సినీ నటులను ముఖ్య అతిధులుగా ఆహ్వానించాలని అనుకుంటున్నారు. అందుకోసం నిర్మాత సాయి కొర్రపాటి సన్నాహాలు చేస్తున్నట్లు సమాచారం. డిసెంబర్ 16వ తేదీన తిరుపతిలో ఆడియో వేడుకను నిర్వహించనున్నారట.

విద్యా బాలన్, రానా, సుమంత్, రకుల్ ప్రీత్ సింగ్, నిత్యామీనన్ తదితరులు ఈ చిత్రంలో కీలక పాత్రలో నటిస్తున్నారు. బాలయ్య ఎన్టీఆర్ పాత్రలో 66 గెటప్స్ లో కనిపిస్తాడని సమాచారం.

ఎం. ఎం. కీరవాణి గారు స్వరపరచిన #NTRBiopic పాటలు లహరి మ్యూజిక్ ద్వారా విడుదల...#NTRAudioOnLahari #NandamuriBalakrishna @DirKrish @mmkeeravaani pic.twitter.com/CpcrlSq9Id
— NBK FILMS (@NBKFilms_) November 25, 2018