'తల్లి ఏదీ? తండ్రి ఏడీ?' ఎన్టీఆర్ బయోపిక్ రెండో పాట!

దివంగత ఎన్టీఆర్ జీవిత చరిత్రతో బయోపిక్ తెరకెక్కుతోన్న సంగతి తెలిసిందే. బాలకృష్ణ ప్రధాన పాత్రలో నటించిన ఈ సినిమా రెండు భాగాలుగా ప్రేక్షకుల ముందుకు రానుంది.

Udayavani Dhuli

Hyderabad, First Published Dec 12, 2018, 12:40 PM IST

దివంగత ఎన్టీఆర్ జీవిత చరిత్రతో బయోపిక్ తెరకెక్కుతోన్న సంగతి తెలిసిందే. బాలకృష్ణ ప్రధాన పాత్రలో నటించిన ఈ సినిమా రెండు భాగాలుగా ప్రేక్షకుల ముందుకు రానుంది. ఇప్పటికే ఈ సినిమా నుండి 'కథానాయకా' అనే పాటను విడుదల చేశారు.

దీనికి ప్రేక్షకుల నుండి మంచి స్పందన లభించింది. తాజాగా 'రాజర్షి' అనే మరో పాటను విడుదల చేసింది చిత్రబృందం. ఎక్కువగా సంస్కృత పదాలతో సాగిన ఈ పాటకు శివ దత్త, రామకృష్ణ, కీరవాణిలు సాహిత్యం అందించగా.. శరత్ సంతోష్, మోహన భోగరాజు, కీరవాణి, కాల భైరవ, శ్రీనిధి తిరుమలలు ఆలపించారు.

మిగిలిన పాటలను కూడా ఈ నెలలోనే విడుదల చేస్తారని తెలుస్తోంది. ఈ సినిమాలో చంద్రబాబునాయుడు పాత్రలో రానా, శ్రీదేవి పాత్రలో రకుల్, ఎన్టీఆర్ భార్య బసవతారకం పాత్రలో విద్యాబాలన్,హరికృష్ణ పాత్రలో కళ్యాణ్ రామ్, అక్కినేని నాగేశ్వరావుగా సుమంత్ లు కనిపించనున్నారు.