వెన్నుపోటుపై వర్మ సంచలన పోస్ట్!

Highlights

దర్శకుడు రామ్ గోపాల్ వర్మకి తన సినిమాలపై బజ్ ఎలా క్రియేట్ బాగా తెలుసు. వీలైనంతగా సోషల్ మీడియాలో ప్రమోట్ చేస్తుంటాడు. ఇప్పటికే వర్మ రూపొందిస్తోన్న 'లక్ష్మీస్ ఎన్టీఆర్' సినిమాపై క్రేజ్ బాగా పెరిగింది.

దర్శకుడు రామ్ గోపాల్ వర్మకి తన సినిమాలపై బజ్ ఎలా క్రియేట్ బాగా తెలుసు. వీలైనంతగా సోషల్ మీడియాలో ప్రమోట్ చేస్తుంటాడు. ఇప్పటికే వర్మ రూపొందిస్తోన్న 'లక్ష్మీస్ ఎన్టీఆర్' సినిమాపై క్రేజ్ బాగా పెరిగింది.

ఈ సినిమాకి సంబంధించిన పోస్టర్లు, పాటలు వైరల్ అవుతున్నాయి.తాజాగా ఆయన ట్విట్టర్ ఓ ఫోటో పోస్ట్ చేసి.. ఇక్కడ కనిపిస్తున్న వ్యక్తులు నాకు సరిగ్గా గుర్తుకురావడం లేదు.. వారెవరో గుర్తుచేసుకోవడంలోనాకు సహాయం చేయగలరా..? అంటూ అభిమానులను ప్రశ్నించాడు.

ఫోటోలో 'నెవర్ బిఫోర్.. నెవర్ ఆఫ్టర్' అని క్యాప్షన్ ఇచ్చాడు. పోస్టర్ కి 'వెన్నుపోటు' అనే టైటిల్ కూడా ఇచ్చాడు. 'బాహుబలి' సినిమాలో ప్రభాస్ ని కట్టప్ప చంపే సీన్ లో ప్రభాస్ మొహాన్ని సీనియర్ ఎన్టీఆర్ తో, కట్టప్ప ముఖాన్ని చంద్రబాబు నాయుడుతో ఉన్నట్లుగా మార్చేశాడు. పైగా చంద్రబాబు మొహానికి ఆకుపచ్చ రంగు వేసి ఊసరవెల్లిలా రంగులు మారుస్తాడని పరోక్షంగా వెల్లడించాడు.

ఈ పోస్టర్ చూసిన వర్మ అభిమానులు రకరకాలుగా స్పందిస్తున్నారు. ట్వీట్లు పెట్టడంలో నిన్ను మించినవారు లేరంటూ వర్మని పొగుడుతున్నారు. మరికొందరు సీనియర్ ఎన్టీఆర్, చంద్రబాబు నాయుడులకు సంబంధించిన క్లిప్పింగ్స్ ని వర్మ ట్వీట్ కి జత చేస్తున్నారు.

These faces are vaguely reminding of two people I know ..can u please help me with my memory pic.twitter.com/Hgqb3tKNB5
— Ram Gopal Varma (@RGVzoomin) January 19, 2019