వర్మ డోస్ పెంచేసాడు..రియల్ ఫుటేజ్ నే వదిలాడు

Highlights

ప్రముఖ దర్శకుడు రామ్ గోపాల్ వర్మ సినిమాలకి ప్రత్యేకంగా ప్రమోషన్లు చేయనక్కర్లేదు . ప్రమోషన్ కోసం ఆయనతో సినిమా చేసే నిర్మాతలు కోట్లు ఖర్చు పెట్టుకోవాల్సిన పనిలేదు.

ప్రముఖ దర్శకుడు రామ్ గోపాల్ వర్మ సినిమాలకి ప్రత్యేకంగా ప్రమోషన్లు చేయనక్కర్లేదు . ప్రమోషన్ కోసం ఆయనతో సినిమా చేసే నిర్మాతలు కోట్లు ఖర్చు పెట్టుకోవాల్సిన పనిలేదు. ఎందుకంటే ఆయన సినిమాలకు ఆయనే వేసే ట్వీట్లు, టీవీ షోల్లో చేసే కామెంట్సే బోలెడంత బజ్ తీసుకొస్తూంటాయి.

సినిమా ఎనౌన్స్ చేసిన రోజు నుండే సంచలనం మొదలుపెట్టే వర్మ ఆ తర్వాత ఎవరో ఒక పెద్ద సెలబ్రిటీని ఎంచుకుని గిచ్చటం మొదలెడతాడు. దాంతో ఏదో ఒక వర్గానికి కోపం రావటం...మీడియాకు ఎక్కడం, వర్మ ప్రాజెక్టుకు ఫ్రీగా పబ్లిసిటీ ఇవ్వటం మొదలెడతారు.

ప్రస్తుతం చేస్తున్న 'లక్ష్మీస్ ఎన్టీఆర్' విషయంలో కూడ ఇదే చేస్తున్నాడాయన. ఎన్టీఆర్ జీవితంలోని ముఖ్య ఘట్టాలతో సినిమా అంతో రచ్చ మొదలెట్టిన ఆర్జీవీ వెన్నుపోటు పాటను రిలీజ్ చేసి తెలుగు దేశం పార్టీలో, అభిమానుల్లో కలకలం రేపాడు. వాళ్లంతా ఆయనపై కేసులు పెడుతుంటే రివర్స్ కౌంటర్లు వేస్తూ ఫుల్ పబ్లిసిటీ సంపాదిస్తున్నాడు. అయితే ఆ పబ్లిసిటీ చాలినట్లు లేదు. ఈ సారి ఏకంగా రియల్ ఫుటేజ్ ని తీసుకుని మరీ ఆ పాటకు యాడ్ చేసి ఓ వీడియోని వదిలారు.

ఎవరో అభిమాని చేసినట్లుగా బిల్డప్ ఇస్తూ ఈ వీడియోని సోషల్ మీడియాలో పోస్ట్ చేసారు. ఎలాగైనా ఈ వెన్నుపోటు వివాదంతో సినిమా పట్ల జనాల్లో తీవ్ర ఆసక్తి నెలకొనేలా చేయటం ఆయన ఆలోచన. పూర్తి స్దాయిలో చంద్రబాబుని టార్గెట్ చేస్తూ ..ఈ వీడియో రూపొందించారు. ఈ వీడియోకు ఖచ్చితంగా తెలుగు దేశం వర్గం నుంచి విమర్శలు,వివాదాలు వస్తాయి. దీంతో వర్మ తాను అనుకున్నది సాదించినట్లైంది.