ఒరేయ్ ఆర్జీవీ.. బాలయ్య వాయిస్ కి వర్మ రిప్లై!

ram gopal varma sensational video on balakrishna

Hyderabad, First Published Dec 21, 2018, 2:27 PM IST

సంచలన దర్శకుడు ఎన్టీఆర్ జీవిత చరిత్రతో 'లక్ష్మీస్ ఎన్టీఆర్' సినిమాను రూపొందిస్తోన్న సంగతి తెలిసిందే. ఈ సినిమాని క్రిష్ రూపొందిస్తోన్న 'ఎన్టీఆర్' బయోపిక్ కి పోటీగా విడుదల చేయడానికి ప్లాన్ చేస్తున్నాడు. ఈ సినిమాను తనదైన స్టైల్ లో ప్రమోట్ చేస్తున్నాడు వర్మ. తాజాగా వర్మ పోస్ట్ చేసిన వీడియో వైరల్ గా మారింది. ఈ వీడియోలో బాలయ్య
వాయిస్ తో వర్మకి వార్నింగ్ ఇచ్చినట్లుగా ఉంది.

దీనికి వర్మ ఇచ్చిన రిప్లై ఆకట్టుకుంటుంది. ముందుగా బాలయ్య వాయిస్ తో.. ''ఒరేయ్ ఆర్జీవీ.. నాదగ్గర నేనున్నాను, విద్యాబాలన్ ఉంది, కళ్యాణ్ రామ్ ఉన్నాడు, రానా దగ్గుబాటి, సుమంత్, నిత్యామీనన్, హన్సిక, పాయల్ రాజ్ పుత్, రకుల్ ప్రీత్ సింగ్, షాలిని పాండే, ప్రకాష్ రాజ్ ఉన్నారు. మరి నీ సినిమాలో ఏముందిరా'' అంటూ వార్నింగ్ వినిపించగా..

దానికి వర్మ.. ''సార్ నా దగ్గర నిజముంది.. నిజానికి సంబంధించిన సత్యం ఉంది. సత్యాన్ని తలదన్నే యదార్ధం ఉంది. అది హైదరాబాద్ లోని వైశ్రాయ్ హోటల్ లోని సంఘటనలు అవ్వొచ్చు.. ఇంట్లోనూ, వంటింట్లోనూ జరిగిన కుటుంబ కుట్రలు అవ్వొచ్చు. సార్ నిజం నాకన్నా ఎక్కువ మీకు, మీ ఫ్యామిలీకి, మే ఇంటల్లుడుకి తెలుసు సార్. కానీ మీరు చెప్పారు కాబట్టి నేను చెప్పాల్సి వస్తుంది.

ఎస్.. నా దగ్గర మీ సినిమాలో ఉన్న స్టార్స్ లేరు. కానీ మీ సినిమాలో ఉన్న స్టార్స్ ఎవరికీ మీ సినిమాలో ఉన్న అబద్ధాలు తెలియవు. కానీ నా లక్ష్మీస్ ఎన్టీఆర్ సినిమా ఉన్న యాక్టర్స్ అందరికీ నిజంగా జరిగిన నిజాలు మాత్రమే తెలుసు. సత్యమేవ జయతే'' అంటూ సమాధానమిచ్చాడు. ప్రస్తుతం ఈ వీడియో సోషల్ మీడియాలో వైరల్ అవుతోంది.

I do not know who did not make this on me and Balakrishna Garu, but I also know why I do not know who did not do this .. Read three times to understand and even after that if u don’t understand you are not dumb #LakshmisNTR pic.twitter.com/ibqHBcsgFT
— Ram Gopal Varma (@RGVzoomin) December 20, 2018