అమృత పేరుతో ప్లే స్కూల్: మారుతీరావుకు కూతురంటే వల్లమాలిన ప్రేమ

కిరోసిన్ దందాతో జీవితాన్ని ప్రారంభించిన అమృతరావు అనతికాలంలోనే  మిర్యాలగూడలో పెద్ద బిల్డర్‌గా ఎదిగాడు. కూతురు అమృతవర్షిణి అంటే ఆయనకు అమితమైన ప్రేమ. 

మిర్యాలగూడ: కిరోసిన్ దందాతో జీవితాన్ని ప్రారంభించిన అమృతరావు అనతికాలంలోనే  మిర్యాలగూడలో పెద్ద బిల్డర్‌గా ఎదిగాడు. కూతురు అమృతవర్షిణి అంటే ఆయనకు అమితమైన ప్రేమ. ఈ ప్రేమ కారణంగానే  ఆమె పేరుతోనే అమృత ప్లే స్కూల్‌ను కూడ కట్టించాడు. అయితే  తక్కువ కులంవాడిని పెళ్లిచేసుకొన్నందుకు ప్రణయ్‌ను మారుతీరావు  హత్య చేయించాడు.

మూడు రోజుల క్రితం మిర్యాలగూడ జ్యోతి ఆసుపత్రి ఆవరణలోనే కిరాయి హంతకుడు ప్రణయ్ ను  వేటకొడవలితో  హత్య చేశాడు. ప్రణయ్‌...అమృతవర్షిణి ప్రేమించి ఈ ఏడాది జనవరిలో వివాహం చేసుకొన్నారు.

ఈ ప్రేమ పెళ్లిని  అమృత తండ్రి మారుతీరావు తీవ్రంగా వ్యతిరేకించాడు. తక్కువ కులానికిచెందినవాడు కావడంతోనే ప్రణయ్‌తో అమృత పెళ్లికి మారుతీరావు ఒప్పుకోలేదు. తక్కువ కులానికి చెందిన ప్రణయ్ ను పెళ్లి చేసుకొని  తన పరువును  తీసిందని అమృత తండ్రి మారుతీరావు ఆగ్రహంగా ఉన్నాడు.

దీంతోనే  కిరాయి హంతకులతో మారుతీరావు చంపించినట్టు పోలీసుల దర్యాప్తులో వెల్లడైందని సమాచారం. మారుతీరావు తండ్రి రేషన్ డీలర్. కొన్ని సంవత్సరాల క్రితం అతని కుటుంబం కాకినాడ నుంచి మిర్యాలగూడ వచ్చి స్థిరపడింది. కొన్నాళ్లు కిరోసిన్ వ్యాపారం చేశాడు.

ఆ తర్వాత బెల్లం రవాణా చేస్తూ.. బెల్లం సిండికేట్ చేయించి ఎక్కువ ధరలకు విక్రయించి ఆర్థికంగా స్థిరపడ్డాడు. ఆ డబ్బులతో వడ్డీ వ్యాపారం చేశాడు. అలా మిర్యాలగూడలో రాజకీయ నేతలతో పరిచయాలు పెంచుకున్నాడు.  ఈ క్రమంలోనే రియల్ ఏస్టేట్ వ్యాపారంలో కూడ అడుగుపెట్టాడు. బిల్డర్ అవతారం ఎత్తాడు.అయితే  దళిత భూములను ఆక్రమించుకొని  లబ్దిపొందాడనే ఆరోపణలు కూడ ఆయనపై ఉన్నాయి.  

ఈ వార్తలు చదవండి