జయరామ్ హత్య: నందిగామ పోలీసుల స్టేట్‌మెంట్ రికార్డు

ప్రముఖ వ్యాపారవేత్త జయరామ్ హత్య కేసులో సీన్ రీ కన్‌స్ట్రక్షన్‌ను హైద్రాబాద్ పోలీసులు మంగళవారం నాడు పూర్తి చేశారు. 

నందిగామ: ప్రముఖ వ్యాపారవేత్త జయరామ్ హత్య కేసులో సీన్ రీ కన్‌స్ట్రక్షన్‌ను హైద్రాబాద్ పోలీసులు మంగళవారం నాడు పూర్తి చేశారు. ఇవాళ ఉదయం హైద్రాబాద్ నుండి నందిగామకు తీసుకొచ్చారు. 

హైద్రాబాద్‌లో జయరామ్ ను హత్య చేసి రాకేష్ రెడ్డి కారులో మృతదేహాన్ని కృష్ణా జిల్లా నందిగామలోని ఐతవరం గ్రామం వద్ద కారుతో సహా వదిలేసి వెళ్లాడు. హైద్రాబాద్ నుండి నందిగామ వరకు రాకేష్ రెడ్డి  ఎలా వెళ్లాడనే విషయాలపై పోలీసులు సీన్ రీ కన్ స్ట్రక్షన్ ను చేయించారు.

నందిగామలోని విజయ బార్ అండ్ రెస్టారెంట్ లో కూడ బీర్ బాటిల్స్ ను తీసుకొన్నాడు. ఈ ప్రాంతాలను కూడ పోలీసులు పరిశీలించారు. కారు వదిలిన ప్రాంతంతో పాటు విజయ బార్ అండ్ రెస్టారెంట్ వద్ద కూడ పోలీసులు పరిశీలించారు.

రాకేష్ రెడ్డిని నందిగామ పోలీస్ స్టేషన్ లో విచారించారు. మరో వైపు నందిగామ పోలీసుల స్టేట్ మెంట్  ను కూడ పోలీసులు సేకరించారు. ఈ కేసు విచారణను మరింత ముమ్మరం చేసినట్టుగా జూబ్లీహిల్స్ ఏసీపీ కేఎస్ రావు చెప్పారు.

సంబంధిత వార్తలు