Andhra Pradesh

ప్రజల మంచి కోసమే జగన్ పై దాడి చేశా: శ్రీనివాస్ కు అస్వస్థత, కెజీహెచ్ కు తరలింపు

By pratap reddyFirst Published Oct 30, 2018, 4:07 PM IST

Highlights

వైఎస్ జగన్మోహన్ రెడ్డిపై దాడి కేసులో నిందితుడు జనిపల్లి శ్రీనివాస రావు అస్వస్థతకు గురయ్యాడు. దాంతో అతన్ని పోలీసులు విశాఖపట్నంలోని కెజీహెచ్ కు తరలించారు.

విశాఖపట్నం: వైఎస్సార్ కాంగ్రెసు పార్టీ అధ్యక్షుడు వైఎస్ జగన్మోహన్ రెడ్డిపై దాడి కేసులో నిందితుడు జనిపల్లి శ్రీనివాస రావు అస్వస్థతకు గురయ్యాడు. దాంతో అతన్ని పోలీసులు విశాఖపట్నంలోని కెజీహెచ్ కు తరలించారు. శ్రీనివాస్ గుండె నొప్పితో బాధపడుతున్నట్లు సిట్ అధికారులు గుర్తించారు. దీంతో అతన్ని విశాఖ విమానాశ్రయం పోలీసు స్టేషన్ లో డాక్టర్ దేముడు బాబు పరీక్షించారు.

చికిత్స నిమిత్తం కెజిహెచ్ కు తరలించాలని ఆయన సూచించారు తనకు చికిత్స వద్దని, తన అవయవాలను దానం చేస్తానని తన శ్రీనివాస్ మొర పెట్టుకున్నట్లు దేముడుబాబు చెప్పారు. దాంతో అతన్ని సిట్ అధికారులు కెజీహెచ్ కు తరలించారు.

కెజీహెచ్ లో శ్రీనివాస్ కు వైద్యులు పరీక్షలు నిర్వహించారు. తనకు ప్రాణ హాని ఉందని, తాను రాష్ట్ర ప్రజలకు కొన్ని విషయాలు చెప్పాలని శ్రీనివాస్ అన్నట్లు చెబుతున్నారు.

మీడియాతో మాట్లాడనీయకుండా పోలీసులు శ్రీనివాస్ తీసుకుని వెళ్లారు. ప్రజల మంచికోసమే తాను జగన్ పై దాడి చేశానని అన్నాడు. తన ప్రాణహాని ఉందంటూ అతను అరిచాడు. తాను మరణిస్తే తన అవయవాలు దానం చేయాలని అన్నాడు.

రెండు రోజులు శ్రీనివాస్ సరిగా ఆహారం తీసుకోవడం లేదని, తినడానికి ఏది కావాలన్నా ఇస్తన్నామని పోలీసు అధికారి మల్లు శేషు చెప్పారు. సాధారణ చెకప్ కోసం శ్రీనివాస్ ను కెజీహెచ్ కు తీసుకుని వచ్చినట్లు తెలిపారు.

వైఎస్ జగన్మోహన్ రెడ్డిపై దాడి జరిగిన తర్వాత సిఐఎస్ఎఫ్ శ్రీనివాస రావును అదుపులోకి తీసుకుని పోలీసులకు అప్పగించింది. ఆ తర్వాత శ్రీనివాస రావును పోలీసులు విచారించి, వైద్య పరీక్షలు నిర్వహించి కోర్టులో హాజరు పరిచారు.

అనంతరం విచారణ నిమిత్తం శ్రీనివాస రావును పోలీసులు ఆదివారంనాడు తమ కస్టడీలోకి తీసుకుని విచారిస్తున్నారు. గత మూడు రోజులుగా శ్రీనివాస రావును విచారిస్తున్నారు.

జగన్ పై దాడి వ్యవహారం రాజకీయ రంగును పులుముకుంది. శ్రీనివాస రావు ఏ పార్టీ కార్యకర్త అనే విషయంపై కూడా దుమారం చెలరేగుతోంది.

సంబంధిత వార్తలు

అభిమానంతోనే పిల్లోడు దాడి, జగన్ కు లవ్ లెటర్ రాసిన నిందితుడు: సోమిరెడ్డి

అలిపిరిలో చంద్రబాబుపై దాడి భువనేశ్వరి చేయించారా..:టీడీపీకి వైసీపీ కౌంటర్

ఆపరేషన్ గరుడ: హీరో శివాజీ అమెరికా చెక్కేశాడా...

ఏపీ రాజకీయాల్లో సంచలనం.. మరో వీడియో విడుదల చేసిన శివాజీ

మానని జగన్ గాయం: కత్తికి విషం లేదు

జగన్‌పై దాడి కేసులో ట్విస్ట్: శ్రీనివాస్‌తో వైసీపీ ఆఫీస్ అసిస్టెంట్ సంభాషణ

జగన్‌పై దాడి.. బొత్స మేనల్లుడి హస్తం: నక్కా ఆనంద్‌బాబు

దండం పెడతారు లేదా దండలేస్తారు కానీ హత్యాయత్నం చెయ్యరు:టీడీపీకి బొత్స కౌంటర్

చంద్రబాబు చిన్నమెదడు చితికింది ఆయన ఓ ఉన్మాది: బొత్స ఫైర్

నిజాలు నిగ్గు తేలాలంటే కేంద్ర దర్యాప్తు అవసరం: బొత్స