సీట్ల లొల్లి: టీడీపీ కోరుతున్న సీట్లివే, కాంగ్రెస్ నుండి అందని జాబితా

తెలంగాణ అసెంబ్లీ ఎన్నికల్లో  టీడీపీకి 14 స్థానాలను కాంగ్రెస్  పార్టీ కేటాయించింది.  కానీ ఏఏ స్థానాలను కాంగ్రెస్ పార్టీ టీడీపీకి కేటాయించిందనే  విషయమై జాబితాను ఇంతవరకు కాంగ్రెస్ నుండి  టీడీపీకి రాలేదు. 

l ramana

హైదరాబాద్:తెలంగాణ అసెంబ్లీ ఎన్నికల్లో టీడీపీకి 14 స్థానాలను కాంగ్రెస్ పార్టీ కేటాయించింది. కానీ ఏఏ స్థానాలను కాంగ్రెస్ పార్టీ టీడీపీకి కేటాయించిందనే విషయమై జాబితాను ఇంతవరకు కాంగ్రెస్ నుండి టీడీపీకి రాలేదు. కాంగ్రెస్ నుండి జాబితా కోసం టీడీపీ నాయకత్వం ఎదురుచూస్తోంది. అయితే ఎవరికీ పార్టీ నాయకత్వం నుండి టికెట్టు లభిస్తోందో...ఎవరికీ బుజ్జగింపులు వస్తాయనే విషయమై టీడీపీ ఆశావాహులు ఎదురుచూస్తున్నారు.

తెలంగాణలో టీఆర్ఎస్‌ను గద్దె దించేందుకు కాంగ్రెస్, టీడీపీ, సీపీఐ, టీజేఎస్‌ ప్రజా కూటమిగా ఏర్పాటయ్యాయి. కాంగ్రెస్ పార్టీ టీడీపీకి 14 సీట్లను కేటాయించింది. టీజేఎస్ కు 8, సీపీఐ 3 స్థానాలను కేటాయించాలని నిర్ణయం తీసుకొంది. అయితే టీడీపీకి ఏఏ అసెంబ్లీ స్థానాలను కేటాయిస్తామో ఆ జాబితా కోసం టీడీపీలోని ఆశావాహులు ఎదురుచూస్తున్నారు.

గ్రేటర్ హైద్రాబాద్‌ పరిధిలోని శేరిలింగంపల్లి, కూకట్‌పల్లి, రాజేంద్రనగర్, ఉప్పల్, ఖమ్మం జిట్లాలోని ఖమ్మం, ఆశ్వరావుపేట, సత్తుపల్లి, వరంగల్ వెస్ట్ , నర్సంపేట, మహాబూబ్ నగర్ జిల్లాలోని దేవరకద్ర, మక్తల్, మహాబూబ్ నగర్, నిజామాబాద్ జిల్లాలోని నిజామాబాదర్ రూరల్ అసెంబ్లీ నియోజకవర్గాలను టీడీపీ కోరుతోంది.

 అయితే కాంగ్రెస్ పార్టీ ఏ స్థానాలను ఇవ్వనుందో అనే విషయమై ఇంకా స్పష్టత రావాల్సి ఉంది. గెలిచే స్తానాలను మాత్రమే కోరాలని టీడీపీ చీఫ్ చంద్రబాబునాయుడు తెలంగాణ టీడీపీ నేతలకు తేల్చి చెప్పారు.

ఈ తరుణంలో బలం ఉన్న సీట్లను వదులుకోవద్దని టీడీపీ నేతలు చంద్రబాబును కోరారు. తెలంగాణ టీడీపీ నేతలతో చంద్రబాబునాయుడు శుక్రవారం నాడు భేటీ కానున్నారు.ఈ సమావేశం తర్వాత అభ్యర్థుల జాబితాను టీడీపీ ప్రకటించే అవకాశం ఉంది.

మరో వైపు తాము కోరుకొంటున్న సీట్లు దక్కుతాయా... లేదా తమకు బుజ్జగింపుల కోసం చంద్రబాబునాయుడు నుండి ఫోన్ వస్తోందా అనే విషయమై టీడీపీ ఆశావాహుల్లో ఉత్కంఠ నెలకొంది.

సంబంధిత వార్తలు