ప్రణయ్ హత్య: ఆ రిసెప్ష‌నే కొంపముంచిందా?

 ఈ ఏడాది  జనవరి మాసంలో ప్రణయ్ అమృతలు వివాహం చేసుకొన్నారు.అయితే వివాహం చేసుకొన్న తర్వాత  ప్రణయ్‌.. అమృతలు కొంతకాలం మిర్యాలగూడకు దూరంగా ఉన్నారు. 

మిర్యాలగూడ: ఈ ఏడాది  జనవరి మాసంలో ప్రణయ్ అమృతలు వివాహం చేసుకొన్నారు. అయితే వివాహం చేసుకొన్న తర్వాత  ప్రణయ్‌.. అమృతలు కొంతకాలం మిర్యాలగూడకు దూరంగా ఉన్నారు. అయితే ఈ వివాహం రిసెప్షన్ ఇవ్వడం మారుతీరావులో మరింత పగను పెంచింది.

అమృత గర్భం దాల్చిన విషయం కుటుంబసభ్యులకు తెలిసింది. దీంతో  ప్రణయ్ కుటుంబసభ్యులు  మిర్యాలగూడలో  రిసెప్షన్ నిర్వహించారు.  ఈ ఏడాది ఆగష్టు మాసంలో రిసెప్షన్ నిర్వహించారు. 

ఈ రిసెప్షన్ సందర్భంగా  తీసిన ఫోటోలు, వీడియోలు సోషల్ మీడియాలో  చక్కర్లు కొట్టాయి. దీంతో మారుతీరావు తనలోని కోపాన్ని ఆపుకోలేకపోయాడు. ప్రణయ్‌ను అంతమొందించాలని ప్లాన్ చేశాడు. 

అమృత తన ప్రణయ్ వీడియో సోషల్ మీడియాలో వైరల్ గా మారడంతో  తన కూతురు పోస్ట్ చేసిన  వీడియో కింద మారుతీరావు ఓ కామెంట్ పెట్టాడని ప్రచారం సాగుతోంది.ప్రణయ్ హత్య  వీడియో‌కు కూడ పెద్ద ఎత్తున హిట్స్ వస్తాయని  కామెంట్ పెట్టినట్టు ప్రచారం సాగుతోంది.

రిసెప్షన్‌ను కూడ  పెద్ద ఎత్తున జరపడం కూడ  మారుతీరావుకు ఆగ్రహం తెప్పించింది.  పెళ్లి చేసుకోవడమే కాకుండా తన కళ్ల ముందే  ఘనంగా రిసెప్షన్ చేసుకోవడం కూడ ఆయన కోపాన్ని మరింత రెట్టింపు చేసిందని అంటున్నారు. 

దీంతో ప్రణయ్ హత్యకు బారిని సంప్రదించినట్టు పోలీసుల విచారణలో తేలింది. తన పరువును గంగలో కలిసిందనే కారణంగా ప్రణయ్ ను హత్య చేసేందుకు  కిరాయి హంతకులతో ఒప్పందం కుదుర్చున్నట్టు తేలింది.ఈ కేసుకు సంబంధించిన పూర్తి వివరాలను నల్గొండ పోలీసులు  మంగళవారం నాడు వెల్లడించే అవకాశం ఉంది.

ఈ వార్తలు చదవండి