మళ్లీ అనారోగ్యానికి గురైన శ్రీనివాస్...ఎయిర్ పోర్టు పీఎస్‌లోనే వైద్యం

ఏపి ప్రతిపక్ష నాయకుడు, వైఎస్సార్‌సిపి అధ్యక్షుడు జగన్మోహన్ రెడ్డి పై దాడికి పాల్పడిన శ్రీనివాస్‌ను మూడు రోజుల నుండి సిట్ అధికారులు విచారిస్తున్నారు. అయితే నిన్నటి(మంగళవారం) నుండి అతడు తీవ్ర అనారోగ్యంతో బాధపడుతున్నాడు. తీవ్రంగా నీరసించిపోయిన స్థితిలో అతన్ని పోలీసులు ఆస్పత్రికి తరలించిన చికిత్స అందించారు.

అయితే చికిత్స అనంతరం శ్రీనివాస్ ను మళ్లీ పోలీస్ స్టేషన్  కు తరలించారు. అయితే బుధవారం మరోసారి అతడు తీవ్ర అస్వస్థతకు గురయ్యాడు. దీంతో పోలీసులు డాక్టర్ ను ఎయిర్ పోర్టు పీఎస్ కే పిలిపించి వైద్యం అందించారు. 

నిందితుడు శ్రీనివాస్ ను పరీక్షించిన డాక్టర్ శ్రీనివాస్ రెడ్డి అతడి ఆరోగ్య పరిస్థితి నార్మల్ గానే ఉందని తెలిపాడు. కేవలం నీరసంగా ఉందని మాత్రమే శ్రీనివాస్ చెబుతున్నాడని వెల్లడించాడు. శ్రీనివాస్ కు బిపి, షుగర్, ఫల్స్ రేట్ బాగానే ఉన్నాయని డాక్టర్ తెలిపారు. 

మంగళవారం శ్రీనివాస్ ను ఆస్పత్రికి తరలించగా అక్కడ జరిగిన పరిణామాలను దృష్టిలో పెట్టుకుని పోలీసులు పోలీస్  స్టేషన్లోనే చికిత్స చేయించినట్లు తెలుస్తోంది.  అంతేకాకుండా శ్రీనివాస్ ను పరీక్షించిన డాక్టర్ కూడా ఆస్పత్రికి తరలించాల్సిన అవసరం లేదని....అతడి ఆరోగ్యం బాగానే ఉందని తెలపడంతో అతన్ని స్టేషన్లోనే ఉంచారు. 

మరిన్ని వార్తలు