ప్రియుడితో రాసలీలలు: మహిళను ఎరగా వేసి భర్తకు షాక్

వివాహేతర సంబంధానికి అడ్డుగా ఉన్న భర్తను ప్రియుడి సహాయంతో ఓ భార్య హత్య చేయించింది

wife kills husband with the help of lover in east godavari district

Rajahmundry, First Published Dec 16, 2018, 3:51 PM IST

రాజమండ్రి: వివాహేతర సంబంధానికి అడ్డుగా ఉన్న భర్తను ప్రియుడి సహాయంతో ఓ భార్య హత్య చేయించింది. ఈ ఘటన తూర్పుగోదావరి జిల్లాలోని రాజమండ్రి సమీపంలో ఈ నెల 4వ తేదీన చోటు చేసుకొంది.

తూర్పు గోదావరి జిల్లా కడియం మండలం కడియపు సావరానికి చెందిన గుబ్బల వెంకటరమణను కొందరు యువకులు హత్య చేశారు. వెంకటరమణను హత్య చేసిన నిందితులను పోలీసులు అరెస్ట్ చేశారు.

కడియం మండలం గుబ్బలవారి పాలెంకు చెందిన చీకట్ల సతీష్ అదే గ్రామంలోని నర్సరీలో పనిచేస్తున్నాడు. అదే గ్రామానికి చెందిన గుబ్బల వెంకటరమణ భార్య జ్యోతితో వివాహేతర సంబంధం పెట్టుకొన్నాడు. ఈ విషయం జ్యోతి కుటుంబసభ్యులకు తెలిసి ఇద్దరిని మందలించారు. జ్యోతిని సతీష్‌తో కలవకుండా కట్టడి చేశారు. దీంతో వెంకటరమణను హత్య చేయాలని సతీష్ ప్లాన్ చేశాడు. ఈ విషయాన్ని వెంకటరమణ భార్య జ్యోతికి చెబితే ఆమె కూడ సమ్మతించింది.

వెంకటరమణను హత్య చేసేందుకు సతీష్ తనకు పరిచయం ఉన్న లావేటి నాగదేవి సహయాన్ని తీసుకొంది. నాగదేవికి సతీష్ కొత్త సిమ్ కార్డు కొనిచ్చాడు. ఈ నెంబర్ తో నాగదేవి కొత్త నెంబర్ తో వెంకటరమణకు ఈ నెల 4వ తేదీన ఫోన్ చేసింది. నువ్వంటే నా కిష్టం. నిన్ను చూడాలని ఉంది. నేను కారు పంపిస్తాను. నేను ఉన్న చోటుకు డ్రైవర్ తీసుకొస్తాడని వెంకటరమణకు ఆమె ఫోన్ చేసింది.

ఈ ఫోన్ ‌తో ఆసక్తి పెంచుకొన్న వెంకటరమణ కారులో పిడింగొయ్యి శివార్లలోని నర్సరీ కొబ్బరితోటలో ఉన్న షెడ్‌ వద్దకు వచ్చారు. అప్పటికే సతీష్‌తో ఒప్పందం కుదుర్చుకొన్న కిరాయి హంతకులు వెంకటరమణ తలపై బీరు సీసాలు, చైన్లతో కర్రలతో విచక్షణా రహితంగా కొట్టారు. అంతేకాదు అదే రోజు రాత్రి పన్నెండున్నర గంటలకు సతీష్ కత్తితో వెంకటరమణ గొంతుపై నరికేశాడు.

అయితే మృతదేహాన్ని చెట్ల పొదల్లో దాచాడు. అదే ప్రాంతంలో పూడ్చాలని మరునాడు తోట ప్రాంతంలో తచ్చాడాడు. తోట యజమాని సతీష్‌ను నిలదీస్తే అసలు విషయాన్ని అతను చెప్పాడు.ఈ ఘటనలో ప్రధాన నిందితులతో పాటు నలుగురు బాల నేరస్తులు ఉన్నారు.

ప్రియుడితో రాసలీలలు: మహిళను ఎరగా వేసి భర్తకు షాక్

RELATED STORIES

Recent Stories

Recent Videos