జయరామ్ హత్యలో నగేష్ పాత్ర: ఖాళీ బాండ్‌ పేపర్లపై సంతకాలు

ప్రముఖ వ్యాపారి జయరామ్ హత్య కేసులో  రాకేష్ రెడ్డికి రౌడీషీటర్ నగేష్ కీలకంగా వ్యవహరించారని  బంజారాహిల్స్ పోలీసులు గుర్తించారు.

హైదరాబాద్: ప్రముఖ వ్యాపారి జయరామ్ హత్య కేసులో  రాకేష్ రెడ్డికి రౌడీషీటర్ నగేష్ కీలకంగా వ్యవహరించారని  బంజారాహిల్స్ పోలీసులు గుర్తించారు.గత నెల 31 వ తేదీన రాకేష్ రెడ్డి ఇంట్లో జయరామ్‌ను తీవ్రంగా కొట్టడంతో  ఆయన మృతి చెందినట్టుగా రాకేష్ రెడ్డి పోలీసుల విచారణలో  వెల్లడించినట్టుగా సమాచారం.

రాకేష్ రెడ్డి నుండి జయరామ్‌ ఒక్క పైసా కూడ అప్పు తీసుకోలేదని పోలీసులు గుర్తించారు. కోటీశ్వరుడైన జయరామ్‌ నుండి డబ్బులను రాబట్టేందుకు నకిలీ పత్రాలను సృష్టించినట్టుగా రాకేష్ రెడ్డి  పోలీసుల విచారణలో వెల్లడించినట్టు సమాచారం

చింతల్‌బస్తీకి చెందిన  రౌడీ షీటర్ నగేష్  సహాయంతో  రాకేష్ రెడ్డి జయరామ్‌‌ నుండి డబ్బులు వసూలు చేసేందుకు ప్లాన్ చేసినట్టుగా పోలీసులు అనమానాలు వ్యక్తం చేస్తున్నారు.  సుమారు 10 ఖాళీ బాండ్ పేపర్లపై జయరామ్‌తో రాకేష్ రెడ్డి సంతకాలు చేయించినట్టుగా పోలీసులు గుర్తించినట్టు తెలుస్తోంది.

ఖాళీ బాండ్ పేపర్లపై జయరామ్‌ను కొట్టి సంతకాలు పెట్టించుకొన్నారని సమాచారం. అమ్మాయిని ఎర వేసి జయరామ్‌ను  రాకేష్ రెడ్డి విచారణలో పోలీసులు గుర్తించినట్టుగా తెలుస్తోంది.

రాకేష్ రెడ్డితో పాటు వాచ్‌మెన్ శ్రీనివాస్ రెడ్డి ఒక్కడే సహకరించాడా ఇంకా ఎవరైనా ఉన్నారా అనే కోణంలో కూడ పోలీసులు విచారణ చేస్తున్నారు. మరోవైపు మృతదేహన్ని రాకేష్ రెడ్డి హైద్రాబాద్‌లో ఎక్కడి నుండి ఎక్కడికి తిప్పారనే విషయమై పోలీసులు ఆరా తీస్తున్నారు.

సంబంధిత వార్తలు