Telangana

జయరామ్ హత్య కేసు: ఏసీపీ ఆఫీసులో శిఖా చౌదరి విచారణ

By narsimha lodeFirst Published Feb 14, 2019, 1:44 PM IST

Highlights

ప్రముఖ వ్యాపారి జయరామ్ హత్య కేసులో ఆమె మేనకోడలు శిఖా చౌదరి గురువారం నాడు బంజారాహిల్స్ ఏసీపీ కార్యాలయానికి చేరుకొంది.

హైదరాబాద్: ప్రముఖ వ్యాపారి జయరామ్ హత్య కేసులో ఆమె మేనకోడలు శిఖా చౌదరి గురువారం నాడు బంజారాహిల్స్ ఏసీపీ కార్యాలయానికి చేరుకొంది.ఈ కేసులో విచారణకు రావాలని పోలీసులు ఆమెకు నోటీసులు జారీ చేసిన విషయం తెలిసిందే.

జయరామ్ హత్య కేసులో శిఖా చౌదరి పాత్ర ఉందని జయరామ్ భార్య పద్మశ్రీ ఇదివరకే ఆరోపణలు చేసిన విషయం తెలిసిందే. ఈ ఆరోపణల నేపథ్యంలో శిఖా చౌదరిని కూడ పోలీసులు విచారిస్తున్నారు.

జయరామ్ హత్య కేసులో నిందితుడుడా ఉన్న రాకేష్ రెడ్డితో గతంలో శిఖా చౌదరి సన్నిహితంగా ఉన్న విషయాన్ని కూడ ఏపీ పోలీసులు విచారణ సందర్భంగా గుర్తించిన విషయం తెలిసిందే. కొంత కాలంగా రాకేష్‌రెడ్డితో శిఖా చౌదరికి మధ్య ఉన్న సంబంధాలు చెడిపోయాయి.

శిఖా చౌదరి, శ్రీకాంత్‌ అనే యువకుడితో సంబంధాలను కొనసాగిస్తోంది. జయరామ్ హత్య జరిగిన రోజున శిఖా చౌదరి తన స్నేహితుడితో కలిసి లాంగ్ డ్రైవ్‌కు వెళ్లినట్టు కూడ గతంలో పోలీసుల విచారణలో ఒప్పుకొన్న విషయం తెలిసిందే.

అయితే జయరామ్ హత్య కేసులో ఇప్పటివరకు సేకరించిన ఆధారాల మేరకు పోలీసులు శిఖా చౌదరిని ప్రశ్నించనున్నారు. శిఖా చౌదరి కుటుంబానికి జయరామ్ కుటుంబానికి మధ్య గొడవలు ఏమైనా ఉన్నాయా... శిఖా చౌదరిని జయరామ్‌ ఎందుకు తన కంపెనీల్లో డైరెక్టర్‌గా నియమించారనే విషయాలపై ఆరా తీస్తున్నారు.

మరో వైపు జయరామ్ హత్య విషయం తెలిసిన తర్వాత శిఖా చౌదరి తన ఇంటికి వచ్చిన తర్వాత విలువైన వస్తువులు కన్పించకుండా పోయాయని పద్మశ్రీ పోలీసులకు ఫిర్యాదు చేసింది.ఈ విషయమై కూడ పోలీసులు ఆమెను ప్రశ్నించే అవకాశం లేకపోలేదు.

సంబంధిత వార్తలు

జయరామ్ హత్య: అప్పు ఉత్తి మాటే, బలవంతపు వసూలుకే

జయరామ్ హత్య: జూ.ఆర్టిస్ట్ సహా మరో 9 మంది పోలీసుల పాత్రపై ఆరా

జయరామ్ మృతదేహంతో హైద్రాబాద్‌లో రాకేష్ రెడ్డి చక్కర్లు

జయరామ్ హత్య కేసు: జూబ్లీహిల్స్‌కు రాకేష్ రెడ్డి, శ్రీనివాస్ రెడ్డి

జయరామ్ హత్య కేసు: ఆర్థిక లావాదేవీలపై పోలీసుల ఆరా

జయరామ్ హత్య‌ కేసు: పోలీస్ కస్టడీకి రాకేష్ రెడ్డి, శ్రీనివాస్ రెడ్డి

హైదరాబాద్ కు జయరాం హత్యకేసు నిందితులు

ఎన్నిసార్లు ఫోన్ చేసినా జయరామ్ స్పందించలేదు: పద్మశ్రీ

అలా చెప్పడంతో కీడును శంకించింది: జయరామ్ భార్య

భర్త లేకుండా తొలిసారి పెళ్లి రోజు: జయరామ్ భార్య ఆవేదన

శిఖా చౌదరే చంపించింది, దేవుడు చెప్పినా నమ్మను: జయరామ్ భార్య