ముగిసిన ప్రణయ్ అంత్యక్రియలు...కన్నీటి వీడ్కోలు చెప్పిన అమృత

రెండు రోజలు క్రితం హత్యకు గురైన ప్రణయ్ అంత్యక్రియలు ఆదివారం నాడు సాయంత్రం ముగిశాయి

మిర్యాలగూడ: రెండు రోజలు క్రితం హత్యకు గురైన ప్రణయ్ అంత్యక్రియలు ఆదివారం నాడు సాయంత్రం ముగిశాయి. మిర్యాలగూడలోని ప్రణయ్ ఇంటి నుండి పార్థీవదేహాన్ని ఊరేగింపుగా సెయింట్ పాల్ చర్చి వద్దకు తీసుకెళ్లారు. అంత్యక్రియల సమయంలో చివరి ఏర్పాట్లను సంప్రదాయప్రకారంగా నిర్వహించారు.

ప్రణయ్ పార్థీవదేహాన్ని ట్రాక్టర్ లో మిర్యాలగూడలో ఊరేగించారు. ఈ ర్యాలీలో దళిత సంఘాలు, కుల నిర్మూలన పోరాట సంఘాలు, పలు ప్రజాసంఘాలు పాల్గొన్నాయి. 

ర్యాలీ సాగినంతసేపు మారుతీరావుకు వ్యతిరేకంగా నినాదాలు చేశారు. చర్చిలో మత సంప్రదాయాల ప్రకారంగా అంత్యక్రియలకు ముందు తతంగం పూర్తి చేసిన తర్వాత  అంత్యక్రియలను ముగించారు.

మిర్యాలగూడలోని స్మశానవాటికలో క్రైస్తవ మత సంప్రదాయాల ప్రకారంగా ప్రణయ్ అంత్యక్రియలు నిర్వహించారు. అంత్యక్రియల్లో ప్రణయ్ భార్య అమృతవర్షిణితో పాటు ప్రణయ్ కుటుంబసభ్యులు, దళిత సంఘాలు అంత్యక్రియల్లో పాల్గొన్నారు.

ఈ వార్తలు చదవండి