జగన్‌పై దాడికి విజయమ్మ, షర్మిల కుట్ర: టీడీపీ ఎమ్మెల్సీ సంచలన ఆరోపణలు

 వైసీపీ చీఫ్  వైఎస్ జగన్‌పై  టీడీపీ ఎమ్మెల్సీ బాబు రాజేంద్రప్రసాద్ సోమవారం నాడు సంచలన వ్యాఖ్యలు చేశారు. 

అమరావతి: వైసీపీ చీఫ్  వైఎస్ జగన్‌పై  టీడీపీ ఎమ్మెల్సీ బాబు రాజేంద్రప్రసాద్ సోమవారం నాడు సంచలన వ్యాఖ్యలు చేశారు. జగన్ కుటుంబంలో కూడ గొడవలు ఉన్నాయని ఈ గొడవల కారణంగానే ఈ దాడి జరిగిందనే కోణంలో  కూడ విచారణ జరిపించాలని ఆయన పోలీసులను డిమాండ్ చేశారు.

సోమవారం నాడు ఆయన  మీడియాతో మాట్లాడారు.  తల్లి వైఎస్ విజయలక్ష్మి, సోదరి  షర్మిలను  జగన్ అణగదొక్కుతున్నారనే అనుమానాలున్నాయన్నారు. జగన్ చనిపోతే  పార్టీ పగ్గాలు చేపట్టాలనే  కోరిక విజయలక్ష్మి, షర్మిలకు ఉందనే అనుమానాన్ని వ్యక్తం చేశారు. ఈ దిశగా కూడ పోలీసులు విచారణ జరిపించాలని ఆయన కోరారు. 

జగన్‌పై దాడి చేస్తే టీడీపీకి ఏం లాభమని  ఆయన ప్రశ్నించారు. బీజేపీ ఎంపీ  జీవీఎల్  నరసింహారావుకు పిచ్చికుక్క కరిచిందన్నారు. అందుకే  ఇష్టా రీతిలో మాట్లాడుతున్నారని  బాబు రాజేంద్ర ప్రసాద్ విమర్శించారు.రాజకీయ లబ్ది కోసమే  బీజేపీ, వైసీపీ నేతలు విమర్శలు చేస్తున్నారన్నారు.

సంబంధిత వార్తలు