జగన్ చెప్పిందే రిమాండ్ రిపోర్ట్‌లో: వైజాగ్ సీపీ

తల తిప్పకపోతే  మెడపై  తీవ్ర గాయమై  ప్రమాదం జరిగేదని వైసీపీ చీఫ్  వైఎస్ జగన్ చెప్పిన అభిప్రాయాన్నే  రిమాండ్‌ రిపోర్ట్‌లో  రాశామని  విశాఖ సీపీ మహేష్ చంద్ర లడ్డా చెప్పారు. 

విశాఖపట్టణం: తల తిప్పకపోతే  మెడపై  తీవ్ర గాయమై  ప్రమాదం జరిగేదని వైసీపీ చీఫ్  వైఎస్ జగన్ చెప్పిన అభిప్రాయాన్నే  రిమాండ్‌ రిపోర్ట్‌లో  రాశామని  విశాఖ సీపీ మహేష్ చంద్ర లడ్డా చెప్పారు. 

విశాఖ ఎయిర్‌పోర్ట్‌లో  రెండో రోజున శ్రీనివాసరావు విచారణ సందర్భంగా  సోమవారం నాడు  ఆయన మీడియాతో మాట్లాడారు. జగన్ అభిప్రాయాన్ని  యధాతథంగా రిమాండ్ రిపోర్ట్‌లో రాసినట్టు  ఆయన గుర్తు చేశారు.  ఇది దర్యాప్తు అధికారి  అభిప్రాయం కాదన్నారు. 

జగన్‌కు 160 సీఆర్‌పీసీ కింద నోటీసులు ఇచ్చామన్నారు. విచారణకు జగన్మోహన్‌రెడ్డిని పిలుస్తామని ప్రకటించారు.ఒకవేళ జగన్ విచారణకు హాజరుకాకపోతే  అవసరమైతే న్యాయపరంగా ముందుకెళ్తామన్నారు.. ఈ ఘటనతో సంబంధం ఉన్న ప్రతి ఒక్కరికి నోటీసులు ఇచ్చి విచారిస్తామని విశాఖ సీపీ తెలిపారు.

వైసీపీ చీఫ్ వైఎస్ జగన్‌పై దాడకి ఉపయోగించిన కత్తిని శ్రీనివాసరావు జనవరి మాసంలోనే  తెచ్చుకొన్నాడని  పోలీసులు గుర్తించారు. తాను పనిచేసే రెస్టారెంట్‌ కిచెన్ లో శ్రీనివాసరావు ఈ కత్తిని భద్రపర్చుకొన్నాడని గుర్తించారు.. 

సంబంధిత వార్తలు