'సర్కార్' అంత వీకా..? వరలక్ష్మీ పంచ్!

తమిళ స్టార్ హీరో విజయ్ నటించిన 'సర్కార్' సినిమాలో తమిళనాడు రాజకీయాల పార్టీలను కించపరిచే విధంగా సన్నివేశాలు ఉన్నాయని వాటిని తొలగించాలని అధికార పార్టీ డిమాండ్ చేసింది. ఈ క్రమంలో అన్నాడీఎంకె కార్యకర్తలు 'సర్కార్' సినిమా ప్రదర్శిస్తోన్న కొన్ని థియేటర్లపై దాడి చేసి పోస్టర్లు, బ్యానర్లు చించేయడం లాంటి పనులు చేశారు.

varalakshmi sarathkumar comments on tamilnadu government

Udayavani Dhuli

Hyderabad, First Published Nov 10, 2018, 12:13 PM IST

తమిళ స్టార్ హీరో విజయ్ నటించిన 'సర్కార్' సినిమాలో తమిళనాడు రాజకీయాల పార్టీలను కించపరిచే విధంగా సన్నివేశాలు ఉన్నాయని వాటిని తొలగించాలని అధికార పార్టీ డిమాండ్ చేసింది.

ఈ క్రమంలో అన్నాడీఎంకె కార్యకర్తలు 'సర్కార్' సినిమా ప్రదర్శిస్తోన్న కొన్ని థియేటర్లపై దాడి చేసి పోస్టర్లు, బ్యానర్లు చించేయడం లాంటి పనులు చేశారు. కొన్ని చోట్ల షోలను రద్దు చేయించారు.

దీంతో 'సర్కార్' సినిమా వెనక్కి తగ్గక తప్పలేదు. కొన్ని సన్నివేశాలను మ్యూట్ చేస్తున్నట్లు, అలానే అభ్యంతరకర సన్నివేశాలను తొలగిస్తున్నట్లు సర్కార్ టీమ్ అనౌన్స్ చేసింది. దీంతో సర్కార్ గొడవ సద్దుమణిగింది. ఈ నేపధ్యంలో సినిమాలో విలన్ పాత్రలో నటించిన వరలక్ష్మీ శరత్ కుమార్ ప్రభుత్వతీరుపై ఘాటుగా స్పందించింది. ''ఒక సినిమాను చూసి భయపడేంత వీక్ గా గవర్నమెంట్ ఉందా..? మీరు ఏదైతే చేయకూడదో అదే చేస్తూ మీ స్థాయిని మీరే తగ్గించుకుంటున్నారు.

ఇలాంటి తెలివి తక్కువ పనులు చేయడం మానుకోండి. క్రియేటివిటీ స్వేచ్చను హరించకండి'' అంటూ సోషల్ మీడియాలో రాసుకొచ్చింది. మరి దీనిపై అన్నాడీఎంకె నేతలు ఎలా స్పందిస్తారో చూడాలి!

Is the government honestly that weak that you are threatened by a movie..?! You’re jus making it worse for yourselves n doing exactly what u r not supposed to do..#vandalising please refrain from such stupidity.. it’s freedom of creativity..#ISupportARMurugadoss #SarkarVsTNSarkar pic.twitter.com/mGywqznkm1
— varu sarathkumar (@varusarath) November 9, 2018