ఆ సెక్షన్ గుట్టు విప్పిన సర్కార్ సినిమా: కోట్ల మంది సెర్చ్ చేస్తున్నారట..!

విలక్షణ దర్శకుడు మురుగ దాస్ - విజయ్ ల కాంబోలో వచ్చిన `సర్కార్`చిత్రం హిట్ టాక్ తో దూసుకుపోతోంది. తమిళనాట ఈ సినిమా కలెక్షన్ల వర్షం కురిపిస్తోంది. తెలుగులోనూ విడుదలైన ఈ సినిమా వసూళ్లలో దుమ్మురేపుతోంది. అయితే ఈ చిత్రంపై విడుదలకు ముందే ఎన్నో వివాదాలు చెలరేగిన సంగతి తెలిసిందే.

Vijay starrer Sarkar now people are googling for section 49P

rajesh y

Chennai, First Published Nov 9, 2018, 3:23 PM IST

అయితే, ఇప్పుడు సినిమా చూసినవాళ్లంతా ‘సెక్షన్ 49పి’ గురించి విపరీతంగా చర్చించుకుంటున్నారు. సినిమా మొత్తం ఈ 49 పి సెక్షన్ చుట్టు తిరుగుతుంది. ఇప్పటి వరకు ఇలాంటి సెక్షన్ ఒకటి ఉందని తమకు తెలియదని, ఈ విషయాన్ని సినిమా ద్వారా తెలియజేసినందుకు మురుగదాస్ కు థ్యాంక్స్ చెబుతున్నారు. ఎన్నికల చట్టంలో ‘సెక్షన్ 49 పి’ ఒకటి. ఈ చట్టం గురించి చాలామందికి తెలియదంటే అతిశయోక్తి కాదేమో. పోలింగ్ సమయంలో తమ ఓటును ఎవరైనా వేసినట్టు ఓటరు గుర్తిస్తే వెంటనే ఆ పోలింగ్ బూత్‌కు వెళ్లి ఆ ఓటును వెనక్కి తీసేయమని అధికారులను కోరవచ్చు.
ప్రస్తుతం తమిళనాడు మరియు తెలుగు రాష్ట్రాల్లో ఎక్కువగా జనాలు గూగుల్ లో సెక్షన్ 49 పి అనే టాపిక్ ను సెర్చ్ చేస్తున్నారట. అసలు ఈ సెక్షన్ అనేది ఉందా... ఆ సెక్షన్ గురించి పూర్తిగా తెలుసుకునేందుకు నెట్టిజన్లు ఆసక్తి చూపుతున్నారు. సినిమా విడుదలైనప్పటినుండి కొన్ని కోట్ల మంది ఈ సెక్షన్ గురించి సెర్చ్ చేసినట్లు తెలుస్తోంది. దీంతో గూగుల్ సెర్చింజన్‌లో ఇదే టాప్‌‌లో నిలిచింది. సినిమాను నిర్మించిన సన్ పిక్సర్చ్ గూగుల్ ట్రెండ్స్ రిపోర్టును ట్విట్టర్‌లో పోస్టు చేయడంతో వైరల్ అయింది.

Google search trends peak for #49P after the release of #Sarkar. https://t.co/677MFHqDia @ARMurugadoss #BlockBusterSarkar #Thalapathykingofboxoffice pic.twitter.com/szBBPY1vIH
— Sun Pictures (@sunpictures) November 7, 2018