జయరామ్ హత్య‌ కేసు: పోలీస్ కస్టడీకి రాకేష్ రెడ్డి, శ్రీనివాస్ రెడ్డి

ప్రముఖ వ్యాపారవేత్త జయరామ్ హత్య కేసులో  నిందితులు రాకేష్ రెడ్డితో పాటు  అతనికి సహకరించిన శ్రీనివాస్ రెడ్డిని 3 రోజుల పాటు పోలీస్ కస్టడీకి నాంపల్లి కోర్టు మంగళవారం నాడు అనుమతించింది

హైదరాబాద్: ప్రముఖ వ్యాపారవేత్త జయరామ్ హత్య కేసులో  నిందితులు రాకేష్ రెడ్డితో పాటు  అతనికి సహకరించిన శ్రీనివాస్ రెడ్డిని 3 రోజుల పాటు పోలీస్ కస్టడీకి నాంపల్లి కోర్టు మంగళవారం నాడు అనుమతించింది.

గత నెల 31వ తేదీన నందిగామకు సమీపంలోని కీసర సమీపంలో కారులో జయరామ్ అనుమానాస్పద స్థితిలో మృతి చెందినట్టుగా  పోలీసులు గుర్తించారు. ఈ కేసును ఏపీ పోలీసులు తెలంగాణకు బదిలీ చేశారు.

ఈ కేసు మొదటి నుండి  తెలంగాణ పోలీసులు విచారణను ప్రారంభించారు. ఏపీ పోలీసులు  ఈ కేసులో రాకేష్ రెడ్డిని,శ్రీనివాస్ రెడ్డిని నిందితులుగా గుర్తించి రిమాండ్‌కు తరలించారు. ఈ కేసు విచారణకు గాను నిందితులను పిటీ వారంట్‌పై హైద్రాబాద్‌కు తీసుకొచ్చారు.

జడ్జి ఇంట్లో ప్రవేశపెడితే  రిమాండ్‌కు ఆదేశించారు. నాంపల్లి కోర్టులో జూబ్లీహిల్స్ పోలీసులు  నిందితులను తమ కస్టడీకి ఇవ్వాలని పిటిషన్ దాఖలు చేశారు.  రాకేష్ రెడ్డితో పాటు శ్రీనివాస్ రెడ్డిని మూడు రోజుల కస్టడీకి నాంపల్లి కోర్టు మంగళవారం నాడు అనుమతించింది.

సంబంధిత వార్తలు