జయరామ్ హత్య: మరో ఇద్దరి అరెస్ట్, ఐదుగురు పోలీసుల విచారణ

ప్రముఖ వ్యాపారవేత్త జయరామ్ హత్య కేసులో  మరో ఇద్దరిని సోమవారం నాడు అరెస్ట్ చేశారు

హైదరాబాద్: ప్రముఖ వ్యాపారవేత్త జయరామ్ హత్య కేసులో  మరో ఇద్దరిని సోమవారం నాడు అరెస్ట్ చేశారు.ఈ కేసులో ఇప్పటికే అరెస్టైన వారి సంఖ్య నాలుగుకు చేరింది.రాకేష్ రెడ్డితో సంబంధాలు కలిగి ఈ కేసు విషయమై ఆరోపణలు ఎదుర్కొంటున్న ఐదుగురు పోలీసులను మంగళవారం నాడు విచారించనున్నారు.

ఈ కేసులో నిందితుడు రాకేష్ రెడ్డి, శ్రీనివాస్‌రెడ్డిలను పోలీసులు ఆరోరోజు కూడ విచారించారు. జయరామ్ హత్య కేసులో నిందితులుగా ఉన్నరాకేష్ రెడ్డి, శ్రీనివాస్ రెడ్డిలను హైద్రాబాద్ పోలీసులు సోమవారం నాడు విచారించారు. 

ఈ కేసులో రాకేష్ రెడ్డికి సహకరించిన విశాల్, నగేష్‌లను కూడ అరెస్ట్ చేసినట్టు డీసీపీ ఏఆర్ శ్రీనివాస్ తెలిపారు.రాకేష్ రెడ్డికి సహకరించినట్టు ఆరోపణలు ఎదుర్కొంటున్న  ఐదుగురు పోలీసులను మంగళవారం నాడు విచారించనున్నట్టు డీసీపీ చెప్పారు. 

రాకేష్ రెడ్డికి రాజకీయ పార్టీ నేతలతో కూడ సంబంధాలు ఉన్నట్టుగా తెలుస్తోందన్నారు. అయితే ఈ కేసులో లోతుగా విచారణ చేస్తున్నామని  ఆయన తెలిపారు. ఈ కేసులో ఏపీ పోలీసులు  రాకేష్ రెడ్డిని లోతుగా విచారించలేదనే విమర్శలు కూడ లేకపోలేదు.

సంబంధిత వార్తలు