మహేష్ ఛాన్స్ ఇస్తానని హోటల్ కి పిలిచి.. నటి ఆవేదన!

దేశవ్యాప్తంగా మీటూ ఉద్యమం పెద్ద దుమారం రేపుతోన్న సంగతి తెలిసిందే. ముఖ్యంగా కన్నడనాట ఈ ఉద్యమం మరిన్ని వివాదాలకు దారి తీస్తోంది. సంజన, శ్రుతి హరిహరన్ వంటి నటీమణులు లైంగిక వేధింపులపై ఆరోపణలను సంధిస్తున్నారు. తాజాగా మరో నటి కిమ్ కైరా తాను ఎదుర్కొన్న లైంగిక వేధింపుల గురించి బయటపెట్టింది.

ప్రముఖ దర్శకుడు శివమణి, అతని మేనేజర్ మహేష్ లపై నటి కిమ్ కైరా మీటూ ఆరోపణలు చేశారు. ముంబైకి చెందిన యువనటి కైరా కన్నడలో 'అభిరామి' అనే సినిమాలో నటించారు. కన్నడ చిత్రరంగంలో నిలదొక్కుకోవాలని ప్రయత్నిస్తోన్న సమయంలో తన ఆశలను ఆసరాగా చేసుకొని దర్శకుడు శివమణి, మహేష్ లు అకృత్యానికి యత్నించారని కైరా ఫేస్ బుక్ లో చెప్పుకొచ్చింది.

శివమణి డైరెక్ట్ చేసే సినిమాలో నటించే ఛాన్స్ ఇప్పిస్తానని, ఒక ప్రైవేట్ హోటల్ కి రావాల్సిందిగా మహేష్ సూచించాడని, అతడి మాటలు నమ్మి హోటల్ కి వెళితే అక్కడ తనపై లైంగిక దాడి చేయడానికి ప్రయత్నించాడని ఆరోపణలు చేసింది. అతడి నుండి తప్పించుకొని బయటపడినట్లు ఆమె చేసిన ఆరోపణలు ఇప్పుడు కన్నడనాట దుమారాన్ని రేపుతున్నాయి.

ఈ విషయంపై స్పందించిన శివమణి.. అసలు కైరా ఎవరో కూడా తనకు తెలియదని. ఐదేళ్ల క్రితమే దర్శకత్వం వదిలేస్తే.. ఆమె ఇలాంటి సమయంలో ఎందుకు ఆరోపణలు చేస్తున్నారో అర్ధం కావడం లేదని అన్నారు. 

ఇవి కూడా చదవండి..