Andhra Pradesh

జగన్ పై దాడి: సూత్రధారి, పాత్రధారి చంద్రబాబే

By Nagaraju TFirst Published Nov 13, 2018, 5:51 PM IST

Highlights

వైసీపీ అధినేత, ఏపీ ప్రతిపక్ష నేత వైఎస్ జగన్మోహన్ రెడ్డి దాడి ఘటనలో సూత్రధారి, పాత్రధారి ఏపీ సీఎం చంద్రబాబు నాయుడేనని ఆపార్టీ ఎంపీ విజయసాయిరెడ్డి ఆరోపించారు. వైఎస్ జగన్ పై దాడి ఘటనకు సంబంధించి వివరాలను రాష్ట్రపతి రాష్ట్రపతి రామ్ నాథ్ కోవింద్ కు వివరించారు. 

ఢిల్లీ: వైసీపీ అధినేత, ఏపీ ప్రతిపక్ష నేత వైఎస్ జగన్మోహన్ రెడ్డి దాడి ఘటనలో సూత్రధారి, పాత్రధారి ఏపీ సీఎం చంద్రబాబు నాయుడేనని ఆపార్టీ ఎంపీ విజయసాయిరెడ్డి ఆరోపించారు. వైఎస్ జగన్ పై దాడి ఘటనకు సంబంధించి వివరాలను రాష్ట్రపతి రాష్ట్రపతి రామ్ నాథ్ కోవింద్ కు వివరించారు. 

విజయసాయిరెడ్డితోపాటు మాజీ ఎంపీల బృందం రామ్ నాథ్ కోవింద్ ను కలిసి జగన్ పై దాడి కేసును థర్డ్ పార్టీతో విచారణ జరిపించాలని కోరారు. ఘటనకు సంబంధించి వైసీపీ నేతల అనుమానాలను రామ్ నాథ్ కోవింద్ కు వివరించినట్లు ఎంపీ విజయసాయిరెడ్డి తెలిపారు. 

వైఎస్ జగన్ పై దాడి కేసుకు సంబంధించి కర్త,ఖర్మ, క్రియ ఏపీ సీఎం చంద్రబాబు నాయుడేనని విజయసాయిరెడ్డి ఆరోపించారు. అందుకు తగ్గ ఆధారాలు తమ దగ్గర ఉన్నాయన్నారు. హత్య కేసు కుట్రదారుల్లో చంద్రబాబుతోపాటు కడప జిల్లాకు చెందిన మంత్రి ఆదినారాయణరెడ్డి, ఎమ్మెల్యే యరపతినేని శ్రీనివాసరావు, సినీనటుడు శివాజీ, రెస్టారెంట్ ఓనర్ హర్షవర్థన్ లు ఉన్నారని తెలిపారు. 

నిందితుడు శ్రీనివాస్ ను అదుపులోకి తీసుకున్నారు కాబట్టి థర్డ్ పార్టీతో విచారణ జరిపితే మరింత మంది కుట్రదారులు వెలుగులోకి వస్తారన్నారు. జగన్ హత్య కేసులో చంద్రబాబు ప్రమేయం లేకపోతే ఆయనే నేరుగా రాష్ట్రపతిని కలిసేవారని దాడిపై వివరణ ఇచ్చేవారన్నారు. 

చంద్రబాబు నాయుడు తన చిత్తశుద్ధిని నిరూపించుకోవాలంటే నిష్పక్షపాతంగా విచారణ జరిపే సంస్థలతో విచారణ చెయ్యమని కోరేవారన్నారు. అలా చెయ్యకుండా నిందారోపణలు చేస్తున్నారంటే తప్పించుకునేందుకు ప్రయత్నిస్తున్నారని ఆరోపించారు. ఇప్పటికే వైఎస్ జగన్ పై దాడి ఘటనకు సంబంధించి థర్డ్ పార్టీ విచారణ జరిపించాలని పలువురు కేంద్రమంత్రులను, జాతీయ స్థాయి నేతలను వైసీపీ నేతలు కలిసి కోరారు. 

ఈ వార్తలు కూడా చదవండి

హైదరాబాద్: వైసీపీ చీఫ్ వైఎస్ జగన్‌‌పై దాడి  కేసులో  ఏపీ సీఎం చంద్రబాబునాయుడు సహా రెండు తెలుగు రాష్ట్రాల డీజీపీలకు హైకోర్టు  మంగళవారం నాడు నోటీసులు జారీ చేసింది. రెండు వారాల్లో  వివరణ ఇవ్వాలని హైకోర్టు ఆదేశించింది.

వైసీపీ చీఫ్ వైఎస్ జగన్‌పై ఈ ఏడాది అక్టోబర్ 25వ తేదీన విశాఖ  ఎయిర్‌పోర్ట్‌లో శ్రీనివాస్ అనే యువకుడు కత్తితో దాడికి పాల్పడ్డాడు.ఈ ఘటనపై  థర్డ్ పార్టీ విచారణను  కోరుతూ జగన్ ‌హైకోర్టులో పిటిషన్ దాఖలు చేశారు.

ఈ కేసు విచారణను మంగళవారం నాడు  చేసింది.ఈ విచారణలో భాగంగా సిట్ దర్యాప్తు నివేదికను హైకోర్టు కు ఏజీ సమర్పించారు. మరో వైపు విశాఖ ఎయిర్‌పోర్ట్‌లో సీసీటీవీ పుటేజీ లేకపోవడం, భద్రత లోపాలపై  హైకోర్టు తీవ్ర వ్యాఖ్యలు చేసింది.

మరో వైపు ఈ కేసులో  ఏపీ సీఎం చంద్రబాబునాయుడు, ఏపీ డీజీపీ ఆర్ప్ ఠాకూర్, తెలంగాణ డీజీపీ మహేందర్ రెడ్డితో పాటు ఎనిమిది మందికి హైకోర్టు నోటీసులు జారీ చేసింది.

సంబంధిత వార్తలు

tags

• vijayasaireddy
• yv subbareddy
• ramnathkovindh
• ummareddy
• attack on ys jagan

Related Posts

'కూటమి'మేనిఫెస్టో అమలు సాధ్యమయ్యేనా..!? 

''ఫస్టొచ్చింది... పెన్షన్ రాలేదు : చంద్రబాబు కుట్రలకు అవ్వాతాతలు, వికలాంగులు బలి''

కూటమి, వైసీపీ మేనిఫేస్టోల మధ్య పోలిక, వ్యత్యాసాలివే..!

TDP Janasena, BJP Manifesto :కూటమి ఉమ్మడి మేనిఫెస్టో విడుదల- తొలి సంతకం ఆ ఫైల్ పైనే.. 

నిన్ను సీఎంగా చూడాలని చిన్నాన్న తపించారే.. మరి నువ్వు..:జగన్ కు చిన్నమ్మ ఎమోషనల్ లెటర్  

Read More