జగన్‌పై దాడి సినీ నటుడు శివాజీ ప్లానా: బీజేపీ

పథకం ప్రకారంగానే   వైసీపీ చీఫ్ వైఎస్ జగన్‌పై  దాడి జరిగిందని  బీజేఎల్పీ నేత  విష్ణుకుమార్ రాజు అభిప్రాయపడ్డారు. 

అమరావతి: పథకం ప్రకారంగానే   వైసీపీ చీఫ్ వైఎస్ జగన్‌పై  దాడి జరిగిందని  బీజేఎల్పీ నేత  విష్ణుకుమార్ రాజు అభిప్రాయపడ్డారు. ఈ ఘటనకు పాల్పడిన వ్యక్తుల వెనుక ఎవరున్నారనే విషయాన్ని బయటపెట్టాలని  ఆయన డిమాండ్ చేశారు.

సోమవారం నాడు ఆయన  అమరావతిలో మీడియాతో మాట్లాడారు.  దాడికి పాల్పడడానికి ముందే  లేఖ రాసి  పెట్టుకొన్నాడంటే..  పథకం ప్రకారంగానే ఈ దాడికి పాల్పడ్డాడని అర్థమౌతోందన్నారు. 

ఈ దాడికి వెనుక ఉన్న వారి కుట్రలను బయటపెట్టాల్సిన బాధ్యత పోలీసులపై ఉందన్నారు.  ఏపీ పోలీసులపై  నమ్మకం లేదన్న జగన్ వ్యాఖ్యలు  సరికావన్నారు.  ఆపరేషన్ గరుడపై  పోలీసులు వాస్తవాలను బయటపెట్టాల్సిన  అవసరం ఉందన్నారు.  

ఆపరేషన్ గరుడ గురించి  శివాజీ చెబుతున్న విషయాలపై కూడ పోలీసులు విచారణ చేయాల్సిన అవసరం ఉందన్నారు. ముందు జరిగే విషయాలను చెప్పడానికి  శివాజీ ఏమైనా జ్యోతిష్కుడా  అని విష్ణుకుమార్ రాజు ప్రశ్నించారు.  ఈ దాడికి శివాజీయే ప్లాన్ చేశారమోననే అనుమానాన్ని వ్యక్తం చేశారు. శివాజీని  అరెస్ట్ చేసి విచారణ చేయాలని విష్ణుకుమార్ రాజు  డిమాండ్ చేశారు.

సంబంధిత వార్తలు