నా భర్తకు మంత్రి పదవి రాకపోవడం బాధగా ఉంది: జోగు భార్య రమ

మంత్రి పదవి టీఆర్ఎస్ లో అసంతృప్తిని రగిలిస్తోంది. పదవుల కోసం ఆశ పెట్టుకొన్న వారంతా పదవి దక్కకపోవడంతో తమ నిరసనగళాన్ని విన్పిస్తున్నారు. 

ఆదిలాబాద్: తన భర్తకు మంత్రి పదవి రాకపోవడం బాధగా ఉందని మాజీ మంత్రి జోగు రామన్న భార్య రమ చెప్పారు.

మంగళవారంనాడు ఆమె ఓ తెలుగు న్యూస్ చానెల్ తో మాట్లాడారు.. మంత్రి పదవి రాకపోవడంతో తన భర్తకు బీపీ ఎక్కువైందన్నారు. తన భర్త అజ్ఞాతంలోకి వెళ్లడం చాలా బాధగా ఉందన్నారు.

అధిష్టానం ఆదేశాల మేరకు తాము నడుచుకొంటామని ఆమె చెప్పారు. 2014 నుండి 2018 వరకు కేసీఆర్ మంత్రివర్గంలో జోగు రామన్న అటవీశాఖ మంత్రిగా పనిచేశారు. ఈ దఫా కేసీఆర్ మంత్రివర్గంలో జోగు రామన్నకు మంత్రి పదవి దక్కలేదు.

దీంతోనే ఆయన అజ్ఞాతంలోకి వెళ్లినట్టు ప్రచారం సాగుతోంది. అయితే ఆయన కుటుంబసభ్యులకు టచ్‌లోకి వచ్చినట్టు సమాచారం. అనారోగ్యం కారణంగానే తాను కార్యకర్తలకు దూరంగా ఉండాల్సి వచ్చిందని చెప్పారని సమాచారం.

మున్నూరు కాపు సామాజిక వర్గం నుండి కరీంనగర్ ఎమ్మెల్యే గంగుల కమలాకర్ కు మంత్రివర్గంలో చోటు దక్కింది. ఇదే సామాజిక వర్గానికి చెందిన దాస్యం వినయ్ భాస్కర్ కు ప్రభుత్వ చీఫ్ విప్ పదవి దక్కింది.

సంబందిత వార్తలు