మొబైల్ యూజర్లకు రూ.239 ఫ్రీ రీఛార్జ్..? అయితే పిఐబి ఎం చెబుతుందంటే..
ప్రెస్ ఇన్ఫర్మేషన్ బ్యూరో ఆఫ్ ఇండియా (పిఐబి) ఈ వార్తలను ఫేక్ న్యూస్ అని పేర్కొంది. ఈ ఉచిత రీఛార్జ్ కార్యక్రమాన్ని భారత ప్రభుత్వం నిర్వహించడం లేదని కూడా స్పష్టం చేసింది.
 )
Followసోషల్ మీడియాలో రోజురోజుకి రకరకాల ఫేక్ న్యూస్ లు వేగంగా వ్యాపిస్తున్నాయి. అయితే తాజాగా ఇప్పుడు ఓ వార్త వైరల్ అవుతోంది. భారతీయ వినియోగదారులందరికీ 28 రోజుల పాటు రూ. 239 ఉచిత రీచార్జ్‌ను ప్రధాని నరేంద్ర మోదీ అందిస్తున్నట్లు ఈ మెసేజ్ లో పేర్కొన్నారు. 2024 ఎన్నికలకు ముందు మోడీ ప్రభుత్వం ఈ ఉచిత రీఛార్జ్‌ను అందజేస్తుందని, దింతో ఎక్కువ మంది బిజెపికి ఓటు వేస్తారని ఒక నివేదికలో పేర్కొన్నారు. ఈ మెసేజ్‌లో ఇచ్చిన లింక్ ద్వారా ఈ ఆఫర్‌ను పొందవచ్చని ఇంకా ఆఫర్ పొందడానికి వారి పేరును జోడించాలని పేర్కొంది.
అయితే, ప్రెస్ ఇన్ఫర్మేషన్ బ్యూరో ఆఫ్ ఇండియా (పిఐబి) ఈ వార్తలను ఫేక్ న్యూస్ అని పేర్కొంది. ఈ ఉచిత రీఛార్జ్ కార్యక్రమాన్ని భారత ప్రభుత్వం నిర్వహించడం లేదని కూడా స్పష్టం చేసింది. ప్రజలను మోసం చేయాలనే ఉద్దేశ్యంతో ఈ వార్తలను ప్రచారం చేస్తున్నారని కూడా సమాచారం.
ఇలాంటి అనుమానాస్పద వార్తలేమైనా అందితే, దాని మనం చెక్ చేయవచ్చు. ఇంకా ఇది నిజమైన వార్తా లేక ఫేక్ న్యూస్ అని తెలుసుకోవచ్చు. దీని కోసం, https://factcheck.pib.gov.inకి మెసేజ్ పంపాలి. అలాగే మీరు ఫ్యాక్ట్ చెక్ కోసం +918799711259కి WhatsApp మెసేజ్ పంపవచ్చు. మీరు మీ మెసేజ్ pibfactcheck@gmail.comకి కూడా పంపవచ్చు. ఫ్యాక్ట్ చెక్ సమాచారాన్ని https://pib.gov.inలో కూడా చెక్ చేయవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
