నడి రోడ్డుపై ఓ వ్యక్తి దారుణానికి పాల్పడ్డాడు. తన ఒంటి మీద దుస్తులు అన్నీ విప్పేసి...ఓ మహిళకు తన మర్మాంగాలను చూపిస్తూ.. లైంగికంగా వేధించాడు. ఈ సంఘటన దేశ రాజధాని ఢిల్లీలో చోటుచేసుకుంది.  కాగా..తను కారులో కూర్చొని ఉండగా ఓ స్కూటర్‌పై వచ్చిన వ్యక్తి తనతో అసభ్యంగా ప్రవర్తించాడని, అతని మర్మాంగాన్ని తనకు చూపించి అసభ్యంగా ప్రవర్తించాడని ఓ మహిళ ఫిర్యాదు చేయడంతో ఈ విషయం వెలుగులోకి వచ్చింది.

పూర్తి వివరాల్లోకి వెళితే... ఫ్లైవేలో కారులో ఓ యువతి వెళ్తోంది. అదే సమయంలో ఓ వ్యక్తి స్కూటర్‌పై వెళ్తున్నాడు. కారు నడుపుతున్న యువతి వాహనాన్ని పక్కన ఆపిన సమయంలో.. స్కూటరుపై ఉన్న సదరు వ్యక్తి ఆ కారు వద్దకు వచ్చాడు. గబగబా తన స్కూటర్ దిగేశాడు. ఆ వెంటనే ఆమెకు తన మర్మాంగం కనిపించేలా ప్రవర్తించాడు. దీనిపై ఆ యువతి పోలీసులకు ఫిర్యాదు చేసింది. అయితే తాను మూత్ర విసర్జన చేయడం కోసం ఇలా చేశానని, అంతేగానీ మరే ఉద్దేశ్యమూ లేదని సదరు వ్యక్తి వివరణ ఇచ్చుకున్నాడు.