ఫైమా ఎలిమినేటెడ్.. పాపం ఆ పిల్ల అంటూ ఏడుపు ఆపుకోలేకపోయిన ఆదిరెడ్డి

కింగ్ నాగార్జున హోస్ట్ గా వ్యవహరిస్తున్న బిగ్ బాస్ సీజన్ 6 రసవత్తరంగా మారుతోంది. ఆదివారం జరిగిన ఎపిసోడ్ మంచి ఫన్ ఎలిమెంట్స్ తో సాగింది. హిట్ 2తో విజయం అందుకున్న అడివి శేష్ ఈ ఎపిసోడ్ కి అతిథిగా హాజరయ్యాడు. నాగార్జునతో కలసి బిగ్ బాస్ వేదికని కాసేపు పంచుకున్నాడు. 

ఇక నాగార్జున వేదికపైకి ఎంట్రీ ఇవ్వగానే బిగ్ బాస్ హౌస్ మేట్స్ తో ఫన్ గేమ్ మొదలు పెట్టాడు. ఒక్కొక్కరిని పిలిచి హౌస్ లో తనకు లైఫ్ లాంగ్ ఫ్రెండ్ షిప్ ఎవరితో ? ఫ్రెండ్ షిప్ కట్ చేసుకోవడం ఎవరితో ? అని ప్రశ్నించాడు. ఇంటి సభ్యులు టేబుల్ పై ఉన్న ఫోటోలు తీసుకుని తమ సమాధానం చెప్పాలి. ఇలా ఒక్కొక్కరూ తమ ఫ్రెండ్ ఎవరో, ఫ్రెండ్ షిప్ కట్ ఎవరో తెలిపారు. ఈ క్రమంలో చాలా సరదా సంఘటనలు చోటు చేసుకున్నాయి. 

ఇంతలో నామినేషన్స్ లో ఉన్న వారిలో ఒకరిని సేవ్ చేసే ప్రక్రియ మొదలైంది. ఆదిరెడ్డి, శ్రీసత్య, రేవంత్, ఫైమా నామినేషన్స్ లో ఉన్నారు. వారిలో రేవంత్ మాత్రమే సేవ్ అయ్యాడు. దీనితో రేవంత్ తనకి ఓట్లు వేసిన ప్రేక్షకులకు కృతజ్ఞతలు తెలిపాడు. నాకు కుమార్తె పుట్టింది. అక్కడ తల్లి బిడ్డా సేఫ్.. ఇక్కడ నేను సేఫ్ అంటూ సంతోష పడ్డాడు రేవంత్. 

ఇంతలో బిగ్ బాస్ హౌస్ లోకి హిట్ 2 టీం హీరో అడివి శేష్, దర్శకుడు శైలేష్, హీరోయిన్ మీనాక్షి చౌదరి ఎంట్రీ ఇచ్చారు. ఇంటి సభ్యులతో ఫన్నీగా మాట్లాడుతూ కొన్ని గేమ్స్ కూడా ఆడారు. శ్రీహాన్.. మీనాక్షి విషయంలో పులిహోర కలుపుతున్నాడు అంటూ అడివి శేష్ అతడిని ఆటపట్టించారు. హిట్ 2 విజయం సాధించింది అని తెలుసుకున్న హౌస్ మేట్స్ వారికి శుభాకాంక్షలు తెలిపారు. 

హిట్ 2 టీం వెళ్ళిపోయాక నాగార్జున నామినేషన్స్ లో ఉన్న వారిలో మరొకరిని సేవ్ చేశారు. ఆదిరెడ్డి, ఫైమా, శ్రీ సత్య నామినేషన్స్ లో ఉండగా.. వారిలో శ్రీ సత్య సేవ్ అయింది. ఆయా తర్వాత కొన్ని ఫన్ గేమ్స్ ఆడారు. అనంతరం ఎలిమినేషన్ ప్రక్రియ మొదలైంది. 

నామినేషన్స్ లో ఆదిరెడ్డి, ఫైమా మాత్రమే మిగిలారు. రెండు క్లౌడ్ కింద వారిద్దరూ నిలబడ్డారు. రెడ్ ఫ్లవర్స్ పడడంతో ఫైమా ఎలిమినేట్ అయింది. దీనితో ఫైమా హౌస్ ని వీడి వెళ్లక తప్పలేదు. గేటు వద్దకు వెళ్లేసరికి ఫైమా ఎమోషనల్ అయింది. ఆదిరెడ్డికి ఉదయాన్నే ఎగ్ ఇవ్వండి అంటూ ఇతర సభ్యులకు ప్రేమగా తెలిపింది. పాపం ఆ పిల్ల తనని ఎంతగా గుర్తు పెట్టుకుందో అని ఆదిరెడ్డి కంటతడి పెట్టుకున్నాడు.