అల్లు అర్జన్ తో పాటు రష్యాలో సందడి చేస్తున్న పుష్ప టీమ్, రష్యాన్ ఆడియన్స్ ను ఇంప్రెస్ చేసిన బన్నీ

రష్యాలో తెగ సందడి చేస్తున్నారు పుష్ప టీమ్. రష్యాలో పుష్ప రిలీజ్ సందర్భంగా తెగ హడావిడి  చేస్తున్నారు. అంతే కాదు అక్కడి ఆడియన్స్ ను కూడా తెగ ఇంప్రెస్ చేస్తున్నాడు బన్నీ. వారి భాషలో డైలాగ్ చెప్పి షాక్ ఇచ్చాడు.  

టాలీవుడ్ స్టార్ హీరో.. ఐకాన్ స్టార్  అల్లు అర్జున్‌ హీరోగా సుకుమార్ దర్శకత్వంలో తెరకెక్కిన సినిమా  పుష్ప. లాస్ట్ ఇయర్ పాన్ ఇండియా రేంజ్ లో రిలీజ్ అయిన ఈసినిమా  ఇండియాన్ బాక్సాఫీస్ దగ్గర వండర్స్‌ క్రియేట్ చేసింది.  ప్రత్యేకంగా చెప్పాల్సిన పనిలేదు. బాక్సాఫీస్‌ ముందు పుష్ప భారీ కలెక్షన్లను రాబట్టింది. అల్లు అర్జున్ కు ఇది ఫస్ట్ పాన్ ఇండియా కావడంతో పాటు.. బన్నీ ఇండియా వైడ్ గా ఫేమస్ హీరో అయిపోయాడు. ఇక పుష్ప2 కోసం ఈగర్ గా వెయిట్ చేస్తున్నారు ఫ్యాన్స్. 

పుష్ప సాధించిన రికార్డ్స్  అన్నీ ఇన్నీ కావు.  ఇప్పటికీ ప్రపంచంలో ఏదో ఒక మూలన పుష్పకు సబంధించి ఏదో ఒక సందడి కనిపిస్తూనే ఉంది. ఇక తాజాగా ఈ సినిమాను రష్యన్ భాషలో రిలీజ్ చేయబోతున్నారు. రష్యన్ భాషలో డబ్ చేసిన ఈసినిమాను  డిసెంబర్ 8న రష్యాలో విడుదల  చేయబోతున్నారు. 

 పుష్ప రిలీజ్ సందర్భంగా అక్కడ తెగ హడావిడి చేస్తున్నారు మూవీ టీమ్. అల్లు అర్జున్ తో కలిసి టీమ్ రష్యాలో సందడి చేస్తుంది.  రిలీజ్ కు వారం రోజులు ముందుగానే రష్యా చేరిన బృందం.. అక్కడ ప్రమోషన్‌‌‌‌  ఈవెంట్స్ లో పాల్గొంటూ.. సందడి చేస్తుంది. అంతే కాదు ఈ మూవీ ప్రమోషన్ కోసం  రష్యా వెళ్లిన టీమ్, అక్కడి మీడియాతో ఇంటరాక్ట్ అవుతున్నారు స్పెషల్ ఇంటర్వ్యూలు కూడా ఇస్తున్నారు. 

ఇక పుష్ఫ సినిమాలో  ప్రపంచం మెచ్చిన  ఫేమస్‌‌‌‌ డైలాగ్స్‌‌‌‌ను రష్యన్‌‌‌‌లో చెప్పడంతో పాటు ప్రపంచంలో తనకు నచ్చిన ప్లేస్ రష్యా అన్నాడు. రష్యా  ఇక రష్యా లో పుష్ప టీమ్ ప్రమోషన్స్.. అక్కడ వారు చేస్తున్న హడావిడికి సబంధించిన ఫోటోస్ నెట్టింట్లో వైరల్ అవుతున్నాయి. 

ఇక ఈ వారం అంతా అక్కడ పుష్ప రిలీజ్ ను దగ్గరుండి చూసి..మూవీ సక్సెస్ ను మూటకట్టుకుని రావాలని ప్లాన్ చేశారు టీమ్. ఇక అక్కడి నుంచి రాగానే..  పుష్ప 2 షూటింగ్ స్టార్ట్ చేయబోతున్నారు.దాని కోసం ఇప్పటికే అన్ని సన్నాహాలు చేసుకున్నారు. ప్రీ ప్రొడక్షన్ పనులు కూడా కంప్లీట్ అయినట్టు తెలుస్తోంది.