ప్రెస్ మీట్ పెడతా..అందరి ప్రశ్నలకు సమాధానం చెబుతా: శిఖా చౌదరి

చిగురుపాటి జయరాం హత్య కేసులో పోలీసులకు సహకరిస్తానని తెలిపారు ఆయన మేనకోడలు శిఖా చౌదరి. పోలీసుల విచారణ ముగిసిన అనంతరం ఆమె మీడియాతో మాట్లాడారు. పోలీసులు అడిగిన అన్ని ప్రశ్నలకు సమాధానం చెప్పినట్లు తెలిపారు.

కేసు విచారణలో ఉన్నందున మిగిలిన విషయాలు చెప్పడానికి వీల్లేదని శిఖా చౌదరి వెల్లడించారు. విచారణ పూర్తయిన తర్వాత మీడియా ముందుకొస్తానని ప్రతి ఒక్క ప్రశ్నకు సమాధానం చెబుతానని ఆమె ప్రకటించారు. విచారణలో భాగంగా మళ్లీ అవసరమైతే పిలుస్తామని పోలీసులు చెప్పినట్లు శిఖా చౌదరి మీడియాకు వివరించారు.