బాలయ్యకు నో బ్రేక్... సంక్రాంతి రోజునే షూటింగ్

సంక్రాంతి పండగను నందమూరి బాలకృష్ణ తన కుటుంబంతో కలిసి చాలా ఉత్సాహంగా జరుపుకుంటూంటారు. తన కుమార్తె ఇంటికి వెళ్లటమో లేక తన అత్తవారింటికి వెళ్లటమో చేస్తూంటారు. అయితే ఈ సంక్రాంతికి బాలకృష్ణ ..బ్రేక్ తీసుకునే పరిస్దితి కనపడటం లేదు. ఆయన తన తాజా చిత్రం రిలీజ్ ప్రమోషన్స్ లో పాల్గొనటమో కాదు..వెంటనే బాలెన్స్ ఉన్న ఎన్టీఆర్ బయోపిక్ రెండవ పార్ట్ మహా నాయకుడుని పూర్తి చేయాల్సి ఉంది.  

దాంతో జనవరి 12 న షూటింగ్ లో ఆయన పాల్గొనబోతున్నట్లు సమాచారం. ఏ విధమైన బ్రేక్ లేకుండా రెండు వారాల్లో ఆ షూటింగ్ ఫినిష్ చేస్తారు. ఆ తర్వాత డబ్బింగ్ పనులు ఉండబోతున్నాయి. దాంతో దర్సకుడు క్రిష్ కు, బాలయ్యకు సంక్రాంతి బ్రేక్ అనేదే లేదు. 

ఇక స్టార్ డైరక్టర్  క్రిష్ దర్శకత్వంలో నందమూరి బాలకృష్ణ ప్రతిష్టాత్మకంగా నటిస్తూ నిర్మిస్తున్న చిత్రం‘ఎన్టీఆర్’. ఈ చిత్రం రెండు పార్ట్‌లుగా విడుద‌ల కానుంది. జ‌న‌వ‌రి 9న‌ క‌థానాయ‌కుడు పేరుతో చిత్రాన్ని విడుద‌ల చేస్తుండ‌గా, ఫిబ్ర‌వ‌రి 7న మ‌హానాయ‌కుడు రిలీజ్ కానుంది. జ్ఞాన‌శేఖ‌ర్ సినిమాటోగ్రఫీ అందిస్తున్న ఈ చిత్రానికి సాయి మాధ‌వ్ బుర్రా మాట‌లు రాస్తున్నారు.

కీర‌వాణి సంగీతం అందిస్తున్నారు. ఈ చిత్రంలో నారా చంద్రబాబు నాయుడుగా రానా, హరికృష్ణగా కల్యాణ్‌రామ్, అక్కినేని నాగేశ్వరరావుగా సుమంత్‌, జయప్రదగా హన్సిక, జయసుధగా పాయల్‌ రాజ్‌పుత్‌, శ్రీదేవిగా రకుల్‌ప్రీత్‌ సింగ్‌, సావిత్రిగా నిత్యా మేనన్‌, ప్రభగా శ్రియ కనిపించనున్నారు.

సంబంధిత వార్తలు..