Asianet News TeluguAsianet News Telugu

ట్రాన్స్‌జెండర్లకు వివాహాలు... పెళ్లికి ముందు మెహందీ, సంగీత్

తమకు పెళ్లిళ్లు కావని, వారు జీవితాంతం అలా ఉండాల్సిందేనా అని ఎంతోమంది ట్రాన్స్‌జెండర్లు కుమిలిపోతున్నారు. అయితే వారికి ఓ మనసు ఉంటుందని, నచ్చిన వారిని పెళ్లి చేసుకునే హక్కు వారికి కూడా ఉంటుందని ఓ సామాజిక కార్యకర్త ట్రాన్స్‌జెండర్లకు సామూహిక వివాహాలు జరిపించారు. 

15 transgender couples get married in raipur
Author
Raipur, First Published Mar 31, 2019, 1:57 PM IST

తమకు పెళ్లిళ్లు కావని, వారు జీవితాంతం అలా ఉండాల్సిందేనా అని ఎంతోమంది ట్రాన్స్‌జెండర్లు కుమిలిపోతున్నారు. అయితే వారికి ఓ మనసు ఉంటుందని, నచ్చిన వారిని పెళ్లి చేసుకునే హక్కు వారికి కూడా ఉంటుందని ఓ సామాజిక కార్యకర్త ట్రాన్స్‌జెండర్లకు సామూహిక వివాహాలు జరిపించారు.

వివరాల్లోకి వెళితే.. రాయ్‌పూర్‌కు చెందిన విద్య రాజ్‌పుత్ అనే సామాజిక కార్యకర్త ట్రాన్స్‌జెండర్ల హక్కుల కోసం పోరాడుతున్నారు. ఈ క్రమంలో శనివారం 15 ట్రాన్స్‌జెండర్ జంటలకు వివాహాలు జరిపారు.

హిందూ సంప్రదాయం ప్రకారం జరిగిన ఈ వేడుకకు ముందు ఉత్తరాదిన అనుసరించినట్లు మెహందీ, సంగీత్ నిర్వహించారు. వీరంతా ఛత్తీస్‌గఢ్‌తో పాటు వివిధ రాష్ట్రాలకు చెందిన వారు. ఎన్నో ఏళ్లుగా తమ కష్టాలను ఎవరూ పట్టించుకోలేదని మధు కిన్నర్ అనే ట్రాన్స్‌జెండర్ తెలిపారు.

కానీ ఈ రోజున తాము పెళ్లిళ్లు చేసుకోవటానికి చక్కటి అవకాశం దొరికిందన్నారు. భవిష్యత్తులో దేశ వ్యాప్తంగా ఇలాంటి కార్యక్రమాలు జరగడానికి ఇది స్ఫూర్తిగా నిలుస్తుందన్నారు. 

Follow Us:
Download App:
  • android
  • ios