జుట్టు విషయంలో ఈ తప్పులు చేయకండి.. లేదంటే జుట్టు దారుణంగా ఊడిపోతుంది..

చుండ్రు, జుట్టు ఊడిపోవడం కొన్ని ప్రత్యేక కారణాల వల్లే అవుతాయి. అయితే కొన్ని చిట్కాలను పాటిస్తే చుండ్రు, హెయిర్ ఫాల్ సమస్యల నుంచి సులువుగా బయటపడొచ్చు.  

నెత్తిలో చుండ్రు ఉంటే పక్కాగా జుట్టు రాలిపోతుంది. అయినా ఈ రోజుల్లో చాలా మంది హెయిర్ ఫాల్, చుండ్రు సమస్యలతో బాధపడుతున్నారు. అయితే నెత్తిలో చుండ్రు ఏర్పడటానికి, జుట్టు రాలడానికి కారణాలు చాలానే ఉన్నాయి. కొన్ని టిప్స్ ను ఫాలో అయితే ఆ సమస్యల నుంచి బయటపడొచ్చు. అవేంటో తెలుసుకుందాం పదండి. 

hair

తడి జుట్టును దువ్వకూడదు

కొంతమందికి స్నానం చేసిన వెంటనే నెత్తిని దువ్వుకునే అలవాటు ఉంటుంది. కానీ ఇది మీ జుట్టు ఆరోగ్యానికి అస్సలు మంచిది కాదు. ప్రతిరోజూ తడి జుట్టును దువ్వుకుంటే జుట్టు విపరీతంగా రాలిపోతుంది. ఎందుకంటే తడి వెంట్రుకల మొదళ్లు బలహీనంగా ఉంటాయి. అలాగే తడి జుట్టును హెయిర్ డ్రయ్యర్ తో ఆరబెట్టడం మంచిది కాదు. ఇది కూడా జుట్టు రాలిపోవడానికి దారితీస్తుంది. 

జుట్టును కత్తిరించుకోవడం

జుట్టు చివర్లను అప్పుడప్పుడు కట్ చేయండి. రోజూ కాకపోయినా.. ప్రతి మూడు నెలలకు ఒకసారైనా జుట్టును పక్కాగా కట్ చేయండి. దీనివల్ల జుట్టు చివర్లు పగిలిపోకుండా  ఉంటాయి. దీంతో జుట్టు ఫాస్ట్ గా పెరుగుతుంది. జుట్టు చివర్లు పగిలిపోతే.. జుట్టు పెరిగే అవకాశమే ఉండదు. 

ప్రతిరోజూ షాంపూ పెట్టకండి

జుట్టుకు షాంపూ పెట్టడం మంచిదే. కానీ రెగ్యులర్ గా షాంపూను అస్సలు పెట్టకూడదు. జుట్టుకు రోజూ షాంపూ పెట్టడం వల్ల జుట్టు బాగా ఊడిపోతుంది. డ్రైగా కూడా మారుతుంది. అందుకే వారానికి రెండు లేదా మూడు రోజులు మాత్రమే షాంపూను ఉపయోగించండి. షాంపూను పెట్టిన తర్వాత కండీషనర్ ను ఖచ్చితంగా ఉపయోగించండి. అయితే మీ జుట్టును బట్టి కండీషనర్ ను ఎంచుకోండి. కలర్ ప్రొటెక్షన్ ఉన్న షాంపూను, కండీషనర్ ని మాత్రమే ఉపయోగించండి. 

hair fall

మార్కెట్ లోకి వచ్చిన కొత్త కొత్త హెయిర్ ప్రొడక్ట్స్ ను జుట్టుకు పెట్టుకోవాలని చాలా మందికి ఉంటుంది. అయితే వీటిని యూజ్ చేసే ముందు అలెర్జీ టెస్ట్ తప్పకుండా చేయాలి. వీటివల్ల మీ చర్మం, మీ జుట్టు పాడవకుండా ఉండాలంటే ఈ విషయాలను ఖచ్చితంగా తెలుసుకోవాలి. ఒకవేళ అలెర్జీకి కారణమయ్యే ఉత్పత్తులు ఉంటే వాటిని అసలే ఉపయోగించకూడదు.

అతిగా నూనెను అప్లై చేయకూడదు

నూనె జుట్టుకు పోషణనిస్తుంది. తేమగా ఉండేట్టు చూస్తుంది. అందుకే జుట్టుకు ఖచ్చితంగా నూనెను అప్లై చేయాలని నిపుణులు చెబుతున్నారు. అలాగని జుట్టుకు నూనెను అతిగా పెట్టకూడదు. అయినా కొంతమంది రోజూ జుట్టుకు నూనె పెడుతుంటారు. ఇలా పెట్టాల్సిన అవసరం లేనేలేదు. ఒక వేళ మాడు పొడిబారితే కొద్దిగా నూనె తీసుకుని మసాజ్ చేయండి. కొబ్బరి నూనె వాడితే మంచిది.