విజయ్ కంటే ఆయన భార్య సంగీత ఆస్తులు ఎక్కువా..? దళపతి భార్య సంపాదన ఎంత ..?

సౌత్ స్టార్ హీరో  విజయ్ దళపతి భార్య ఆస్తులు ఎన్ని కోట్లు.. విజయ్ కంటే సంగీత ఆస్తి ఎక్కువా..? అసలు ఆమెకు అంత ఆస్తి ఎక్కడనుంచి వచ్చింది..? 

తలపతి విజయ్:

కోలీవుడ్ లోనే కాకుండా.. సౌత్ ఫిల్మ్ ఇండస్ట్రీలో ఎక్కువగా  అభిమానులను కలిగి ఉన్న స్టార్ హీరోలలో  తలపతి విజయ్ ఒకరు. ఆమన తన తండ్రి దర్శకత్వం వహించిన కొన్ని చిత్రాలలో బాల నటుడిగా తేరంగేట్రం చేశాడు. ఇక  విజయ్ తరువాత 'నాళయ తీర్పు' చిత్రంతో హీరోగా మారారు.

విజయవంతమైన హీరోగా 33 సంవత్సరాలకు పైగా నటిస్తున్న విజయ్ ప్రస్తుతం 'జన నాయకన్' సినిమాలో నటిస్తున్నారు. తలపతి విజయ్ 69వ చిత్రంగా రూపొందుతున్న ఈ సినిమా ఆయన చివరి సినిమా అని ఆయనే అధికారికంగా ప్రకటించారు.

రాజకీయాల్లోకి విజయ్:

రాజకీయాల్లోకి అడుగుపెట్టిన విజయ్ ఈకారణంగానే  సినిమాల్లో ఇక నటించనని చెప్పారు.  తన చివరి చిత్రం 'జన నాయకన్' లో నటిస్తున్నారు. ఈ చిత్రం అక్టోబర్‌లో విడుదల అవుతుందని ప్రకటించినప్పటికీ, ఇప్పుడు 2026కి వాయిదా పడనున్నట్లు సమాచారం.

200 కోట్ల పారితోషికం:

200 కోట్ల పారితోషికం తీసుకునే నటుడు విజయ్ ఆస్తి విలువ 400 నుండి 600 కోట్ల వరకు ఉంటుందని అందరికి దాదాపు తెలుసు. అయితే ఆయన భార్య సంగీత కూడా భారీగా ఆస్తులు కలిగి ఉన్నారట.  ఇప్పుడు నటుడు విజయ్ భార్య సంగీత ఆస్తి విలువ గురించి సోషల్ మీడియాలో తెగ ప్రచారం జరుగుతోంది. 

విజయ్ భార్య సంగీత

తలపతి విజయ్ 1999 ఆగస్టు 25న సంగీతను వివాహం చేసుకున్నారు. విజయ్, సంగీతల వివాహం జరిగి 23 ఏళ్లు పైనే అయింది. విజయ్ ఇప్పుడు తమిళనాడు విజయ్ కళగం అనే రాజకీయ పార్టీని ప్రారంభించడంతో, ముఖ్యమైన కార్యక్రమాల్లో ఆయనకు బదులుగా ఆయన భార్య సంగీత హాజరవుతున్నారు. పార్టీ ప్రారంభించడానికి ముందు ఆడియో వేడుకల్లో మాత్రమే సంగీత పాల్గొనేవారు. ఆ తర్వాత సంగీతను బయట చూడటం చాలా తక్కువే. 

సంగీత ఆస్తి విలువ:

ఈ నేపథ్యంలోనే సంగీత ఆస్తి విలువ ఎంత అనే దాని గురించి సమాచారం వైరల్ అవుతోంది. దీని ప్రకారం సంగీత ఆస్తి విలువ 400 కోట్లు ఉందని ఇండియా.కామ్ తెలిపింది. కానీ, ఆమె ఏయే పనులు చేస్తుందనే వివరాలు ఏమీ లేవు. ఆమె తండ్రి లండన్‌లోని కోటీశ్వరుల్లో ఒకరు అని చెప్పాలి.

కార్లంటే చాలా ఇష్టం.

కార్లను ఇష్టపడే విజయ్ ఆడి, BMW, లెక్సస్ వంటి అనేక లగ్జరీ కార్లను కలిగి ఉన్నారు. చెన్నై నీలాంగరైలో లగ్జరీ ఇల్లు ఉండగా, తిరువళ్లూర్, తిరుపోరూర్, తిరుమజిసై, వండలూర్ వంటి ప్రాంతాల్లో అనేక ఆస్తులు ఉన్నాయని చెబుతున్నారు.

జన నాయకన్

గణతంత్ర దినోత్సవాన్ని పురస్కరించుకుని తలపతి 69 చిత్రం టైటిల్, ఫస్ట్ లుక్, సెకండ్ లుక్ పోస్టర్లు నిన్న విడుదలై అభిమానులను ఆకట్టుకున్నాయి. హెచ్. వినోద్ దర్శకత్వం వహిస్తున్న ఈ చిత్రంలో విజయ్‌కి జోడీగా పూజా హెగ్డే నటిస్తున్నారు. వరలక్ష్మి శరత్ కుమార్, ప్రకాష్ రాజ్, గౌతమ్ మీనన్, బాబీ డియోల్, మమితా బైజు, మోనిషా ప్లెస్సీ తదితరులు నటిస్తున్నారు. కె.వి.ఎన్. ప్రొడక్షన్స్ నిర్మిస్తున్న ఈ చిత్రానికి అనిరుధ్ సంగీతం అందిస్తున్నారు.