Guppedantha manasu: హమ్మయ్య.. రిషికి ఐ లవ్యు చెప్పేసిన వసుధార.. నాకు మీరు కావాలి సార్ అంటూ?

Guppedantha Manasu: బుల్లితెరపై ప్రసారమవుతున్న గుప్పెడంత మనసు (Guppedantha Manasu) సీరియల్ ప్రేక్షకులను బాగా ఆకట్టుకుంటుంది. కాలేజ్ లో లెక్చరర్ కు స్టూడెంట్ కు మధ్య కలిగే ప్రేమ కథతో సీరియల్ కొనసాగుతుంది. ఇక ఈరోజు ఆగష్టు 25వ తేదీ ఎపిసోడ్ లో ఏం జరిగిందో తెలుసుకుందాం..  

ఈరోజు ఎపిసోడ్ ప్రారంభంలోనే... జగతి విద్యార్థుల్లో ఎవరినైనా ఒకరిని వచ్చి మాట్లాడమని చెప్పింది. అక్కడున్న పిల్లలందరూ వసుధార!వసుధారా! అని అరిచారు.వసు  పైకి వచ్చి మాట్లాడడం మొదలుపెట్టి, ఈ సంవత్సరంతో జీవితంలో ఇంకో ఘట్టం అయిపోబోతుంది. అందరికీ ఎలా ఉందో తెలీదుకానీ నాకు మాత్రం వెళ్ళలేను ఏమోనని భయంగా ఉంది. నేను ఎటువంటి పరిస్థితుల్లో ఈ కాలేజీలో జాయిన్ అయ్యానో, ఎన్ని సంఘటనలు ఎదుర్కొన్నానో, ఇక్కడికి వచ్చి  యూత్ ఐకాన్ ఎలా అయ్యానో చెప్పడానికి సమయం సరిపోదు.

ముందుగా నేను ముగ్గురికి ధన్యవాదాలు చెప్పుకోవాలి అనుకుంటున్నాను.ఒకరు నన్ను ఇక్కడ చేర్పించినవారు,ఇంకొకరు నన్ను ఇక్కడ చూసుకున్న వారు, ఇంకొక్కలు నేను వసుధారని అని నాకు గుర్తు చేసిన వారు.మహేంద్ర సర్,జగతి మేడం,రిషి సార్ థాంక్యూ వెరీమచ్ అని చెప్పి ఏడుస్తూ ఉంటుంది. అప్పుడు జగతి వెళ్లి వసుని ఓదార్చుతుంది. ఆ తర్వాత పిల్లలందరూ రిషి తో ఫోటో తీసుకుంటారు పసుధార కూడా తీసుకుంటుంది. ఆ రోజు రాత్రి రిషి కార్లో వెళ్తూ ఉండగా వసుధార దారిలో కార్ని ఆపుతుంది.

అప్పుడు రిషి, ఈ సమయంలో ఇక్కడున్నావేంటి వసుధార అని అనగా ఇంకొక చిన్న పని మిగిలిపోయింది సార్ అని అంటుంది వసు. వర్షం పడేలాగున్నది కారులో వెళుతూ మాట్లాడుకుందామని రిషి అనగా కార్లో కూర్చొని మాట్లాడే కులాసా మాటలు కాదు సార్ నా మనసులోని మాటలు, ఇప్పుడు కాకపోతే ఇంకెప్పటికీ చెప్పలేనేమో అని అంటుంది.వర్షం పడేలా ఉన్నది అని రిషి అనగా నా మనసులో తుఫాను వస్తుంది సార్ అని అంటుంది వసు.

అంతట్లో వర్షం పడుతుంది అప్పుడు ఏదో మాట్లాడతా అన్నావ్ కదా చెప్పు అని రిషి అనగా నేనే మాట్లాడాలా సార్ నా మనసు మీ మనసుతో మాట్లాడకూడదా అని చెప్పి బ్యాగ్ లో నుంచి గిఫ్ట్ తీసి దాని మీద తాడు, తాడులో ఉంగరం తీస్తుంది వసు. విరిగిపోయిన బొమ్మని మళ్లీ ఎందుకు తెచ్చావు వాసుధార, ఒంటరిగా ఉన్న అక్షరాన్ని ఇంకో అక్షరంతో ఎందుకు కలిపావు అని అనగా బొమ్మ బయటికి విరిగిపోయి ఉన్న లోపల కలిసి ఉన్నది సార్ ఒంటరిగా ఉన్న అక్షరానికి ఇంకో అక్షరం తోడవుతుంది.

నాకు మీరు కావాలి సార్, జీవితాంతం కావాలి అప్పుడు నేను మిమ్మల్ని వద్దనుకున్నాను కానీ మీకన్నా నేనే ఎక్కువ బాధపడుతున్నాను నేను అని వసుధారా అన్నప్పుడు రిషి, ఆ రోజు నువ్వు అన్న మాటలకు నాకు చాలా బాధ వేసింది, అప్పుడు వద్దు అనుకున్నావు ఇప్పుడు అదే గిఫ్ట్ ఇస్తున్నావు అసలు ఏం చెప్పాలనుకుంటున్నావు అని రిషి అడగగా, ఆ బాధని నేను ఇన్ని రోజులు గుండెల్లో మోసాను దింపుకోవడానికి నేను ఇప్పుడు చెప్తున్నాను సార్ అని అంటాది వసు.

అప్పుడు రిషి, అప్పుడు ప్రేమ లేదన్నావు ఇప్పుడు ప్రేమ అంటున్నావు అసలు ఏంటిది వసుధార అని అనగా, మీకు చిన్న యాక్సిడెంట్ అయినప్పుడు నేను ఎంత అల్లాడిపోయానో, ఆ రోజు లాబ్ లో మీ ప్రాణాలు కాపాడడానికి నా ప్రాణాలు కోల్పోయిన పర్వాలేదు అనుకున్నాను ఇదంతా ప్రేమ్ కదా సార్? నాకు మిమ్మల్ని కొల్పోవలని లేదు,నేను మిమ్మల్ని ప్రేమిస్తున్నాను. ఐ లవ్ యూ, నా ప్రేమ నీ స్వీకరించండి అని చెప్పి ఆ గిఫ్ట్ నీ రిషి కి ఇస్తుంది వసు. ఇంతటితో ఎపిసోడ్ ముగుస్తుంది. తర్వాత భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!