Sudigali Sudheer: సుడిగాలి సుధీర్ ఇంట్లో శుభకార్యం... పెదనాన్న గా మారిన బుల్లితెర సూపర్ స్టార్!

సుడిగాలి సుధీర్ కి పెళ్లి కాకుండానే తండ్రి హోదా దక్కింది. ఆయన పెదనాన్న అయ్యాడు. ప్రస్తుతం ఈ న్యూస్ టాలీవుడ్ వర్గాల్లో హాట్ టాపిక్ గా మారింది.

బుల్లితెర సూపర్ స్టార్ సుధీర్ (Sudigali Sudheer) కెరీర్ పీక్స్ లో ఉంది. నటుడిగా, యాంకర్ గా పరిశ్రమను షేక్ చేస్తున్నాడు. జబర్దస్త్ ద్వారా గుర్తింపు తెచ్చుకున్న సుధీర్ సోలో హీరో స్థాయికి ఎదిగాడు. లేటెస్ట్ గా జబర్దస్త్ నుండి తప్పుకున్నాడు. కొన్ని వారాలుగా సుధీర్ జబర్దస్త్ లో కనిపించడం లేదు. గెటప్ శ్రీను, సుధీర్ లేకుండా ఆటో రాంప్రసాద్ ఒంటరయ్యారు. 

ఈటీవీ ప్రోగ్రామ్స్ నుండి దాదాపు సుధీర్ కనుమరుగయ్యారు. జబర్దస్త్ తో పాటు ఢీ 14, శ్రీదేవి డ్రామా కంపెనీ షోస్ నుండి తప్పుకున్నాడు. ఈ మధ్య స్టార్ మా కి షిఫ్ట్ అయిన సుధీర్, ఆల్రెడీ అనసూయతో కలిసి ఓ షో చేస్తున్నారు. చిన్న పిల్లల సింగింగ్ షో ఇటీవల మొదలు కాగా... సుధీర్, అనసూయ యాంకర్స్ గా వ్యవహరిస్తున్నారు. 

మరోవైపు సుడిగాలి సుధీర్ హీరోగా కాలింగ్ సహస్ర, గాలోడు అనే చిత్రాలు తెరకెక్కుతున్నాయి. గతంలో సుధీర్ హీరోగా సాఫ్ట్ వేర్ సుధీర్, త్రీ మంకీస్ చిత్రాలు విడుదలయ్యాయి. హీరోగా ఒక్క సక్సెస్ దక్కితే దశ తిరిగినట్లే. ప్రస్తుతం కోలీవుడ్ లో స్టార్ గా ఎదిగిన శివ కార్తికేయన్ ఇలా పైకొచ్చిన వాడే.

కాగా సుధీర్ ఇంట్లో ఓ శుభకార్యం చోటు చేసుకుంది. సుధీర్ తమ్ముడు రోహన్ తండ్రయ్యాడు. సుధీర్ కంటే రోహన్ కి వివాహం జరిగింది. ఆయన భార్య ఇటీవల పండంటి మగ బిడ్డకు జన్మనిచ్చిందట. ఈ నేపథ్యంలో సుధీర్ పెదనాన్న అయ్యాడంటున్నారు. అలా పెళ్లి కాక ముందే సుధీర్ కి తండ్రి హోదా దక్కిందన్న మాట. 

30 ప్లస్ లో ఉన్న సుధీర్ పెళ్లి మాట ఎత్తడం లేదు. సుధీర్ బెస్ట్ ఫ్రెండ్స్ గెటప్ శ్రీను, రామ్ ప్రసాద్ పెళ్లి చేసుకొని పిల్లల్ని కూడా కన్నారు. చాలా కాలంగా సుధీర్ పెళ్లి వార్త హాట్ టాపిక్ గా మారింది. పెళ్లంటే దాటేసుకుంటూ వస్తున్న సుధీర్.. క్లారిటీ ఇవ్వడం లేదు. 

చాలా కాలంగా యాంకర్ రష్మీ గౌతమ్ (Rashmi Gautam) , సుధీర్ మధ్య సంథింగ్ సంథింగ్ అన్న పుకారు ఉంది. బుల్లితెరపై లవ్ బర్డ్స్ గా కనిపించే ఈ జంట నిజంగానే లవర్ అని కొందరు అంటారు. ఈ ప్రశ్న వారిని అడిగితే కేవలం స్నేహితులం మాత్రమే అంటారు. రష్మీ, సుధీర్ సన్నిహితులు కూడా ఇదే సమాధానం చెబుతారు. 

అటు సుధీర్ ఇటు రష్మీ పెళ్లి చేసుకోకుండా ఉండడం కూడా కొత్త అనుమానాలకు దారి తీస్తుంది. ఇద్దరూ తమ తమ కెరీర్స్ లో బిజీగా ఉన్నారు. మరి త్వరలో అయినా క్లారిటీ ఇస్తారేమో చూడాలి. జబర్దస్త్, ఢీ షో నుండి వీరిద్దరూ తప్పుకోవడంతో, వీరిని కలిసి చూసే ఛాన్స్ ప్రేక్షకులు కోల్పోయారు. గతంలో సుధీర్ తో మూవీ చేసే ఛాన్స్ ఉందా అంటే ఎస్ అంది రష్మీ. ఆ ప్రాజెక్ట్ సాకారం అయితే ఓ క్రేజీ కాంబో వెండితెరపై చూడొచ్చు.