Yashoda Review: యశోద మూవీ ట్విట్టర్ రివ్యూ.. సమంత కష్టానికి ఆడియన్స్ ఇచ్చిన మార్కులెన్ని..?

హరి, హరీష్ ఇద్దరు దర్శకులు రూపొందించిన డిఫరెంట్ కాన్సెప్ట్ మూవీ యశోదలో..సమంత సరోగసీలేడీగా కనిపించింది. ఈ సినిమా కోసం ఆమె ఎంతో కష్టపడింది. అనారోగ్యాన్నిసైతం లెక్కచేయకుండా సినిమా కోసం తాపత్రేయపడింది. సెలైన్ ఎక్కుతుండగానే.. డబ్బింగ్ చెప్పుకుంది.  ఇక ఎప్పుడెప్పుడా అని ఎదురు చూస్తున్న ఈ సినిమా ఈరోజు ఆడియన్స్ ను అలరించనుంది.

యశోద మూవీపై పాజటీవ్ రివ్యూస్ ఇస్తున్నారు ట్విట్టర్ జనాలు. ఫస్ట్ హాఫ్ మూవీ చాలా డీసెంట్ గా ఉందుంటున్నారు. అంతే కాదు ఈ సినిమాతో సమంత ఇమేజ్ ఎక్కడికో వెళ్లిపోయిందంటున్నారు. 
 

అంతే కాదు ఫస్ట్ హాఫ్ చూసిన ఆడియన్స్.. ఇది మంచి స్టోరీ లైన్.. అద్భుతంగా తెరకెక్కించారు.. అని కామెంట్స్ పెడుతున్నారు. అంతే కాదు.. ఇంట్రవెల్ సీక్వెన్స్ అదిరిపోయిందంటున్నారు ప్రేక్షకులు. సెకండ్ హాఫ్ కూడా ఇదే రేంజ్ లో పడితే.. బొమ్మ బ్లాక్ బస్టర్ అంటున్నారు ట్విట్టర్ జనాలు. 

ఇక సమంత పెర్ఫామెన్స్ కు నిరాజనాలు పలుకుతున్నారు ఆడియన్స్.  సామ్ కష్టానికి బాగా కనెక్ట్ అయ్యారు ... కదిలిపోయారు. అందుకే నీ కష్టం వృధాపోలేదు సమంతా, 100 పర్సంట్ అద్భుతంగా చేశావ్ అంటూ కామెంట్లు పెడుతున్నారు. ఆరోగ్యం సహకరించకపోయినా.. ఆమె నటనలో ఏమాత్రం అదికనిపించకుండా అద్భుతం చేసిందంటున్నారు ట్విట్టర్ పీపుల్. 

ఎమోషనల్ థ్రిల్లర్ గా తెరకెక్కిన యశోద సినిమా అద్బుతమంటున్నారు ఆడియన్స్. ఆ లైన్ కే కనెక్ట్ అవుతారంటూ కామెంట్స్ చేస్తున్నారు. ఇక ఈసినిమాకు, ఈ కథకు సమంత లైఫ్ లైన్ అంటున్నారు. సమంతతో పాటు ఉన్ని ముకుందన్, వరలక్ష్మీ శరత్ కుమార్ లాంటి  ఇతర నటీనటులు ఆమెకు ఫుల్ సపోర్ట్ చేశారంటు కామెంట్ చేస్తున్నారు. 
 

యశోద సినిమాతో మరోసారి రెచ్చిపోయాడు మెలోడీ బ్రహ్మ మణిశర్మ. ముఖ్యంగా ఆయన ఈసినిమాకు ఇచ్చిన BGM పై ట్విట్టర్ లో ప్రశంసల వర్షం కురుస్తోంది. సినిమా బ్లాక్ బస్టర్ అయితే అందులో మ్యూజిక్ శేర్ మేజర్ అంటున్నారు ఆడియన్స్. 

ఇక ఈ మూవీకి కొన్ని నెగెటీవ్ టాక్స్ కూడా తప్పలేదు. సినిమా పర్వాలేదని కొందరు... ఇంకాస్త బాగా తీయ్యాల్సిందంటూ మరికొందరు.. ఇలా కొంతమంది మాత్రం కాస్త నెగెటీవ్ కామెంట్స్ చేసినా..? ఫైనల్ గా ఈసినిమాపై వారు గట్టిగా వాదించేలా చెత్త ఏమీ కనిపించడంలేదు. 

మొత్తానికి సమంత సాధించిందనే చెప్పాలి. అనారోగ్యంలో ఉండి కూడా.. సినిమా కోసం తాపత్రేయపడింది సామ్. అందుకే తన కష్టానికి తగ్గ ప్రతి ఫలం వచ్చింది. ఇక సినిమా అంతటారిలీజ్ అయ్యి .. జననీరాజనాలు అందుకోవడం ఖాయంగా కనిపిస్తోంది. సోలోగా తన సత్తా చాటిన సమంతకు ట్విట్టర్ లో అభినందనలు వెల్లువెత్తుతున్నాయి.