`పుష్ప 2` ఓటీటీలోకి వచ్చేది అప్పుడే.. నిడివి ఎంతో తెలుసా? ఓటీటీ వెర్షన్‌లో మరో సర్‌ప్రైజ్‌!

`పుష్ప 2` సినిమా థియేటర్లలో దుమ్మురేపింది. ఇండియన్‌ బాక్సాఫీసుని షేక్‌ చేసింది. ఇప్పుడు ఓటీటీలో మరింతగా సర్‌ప్రైజ్‌ చేయడానికి రాబోతుంది. ఓటీటీ డేట్‌ ఫిక్స్ అయ్యింది.  

ఐకాన్‌ స్టార్‌ అల్లు అర్జున్‌ నటించిన `పుష్ప 2` సినిమా ఎంతటి సంచలనాలు సృష్టించిందో తెలిసిందే. సుకుమార్‌ రూపొందించిన ఈ చిత్రం భారీ విజయాన్ని సాధించింది. నార్త్ లో కలెక్షన్ల దుమ్మురేపింది. ఇండియన్‌ సినిమా రికార్డులను బ్రేక్‌ చేసింది. ఇండియాలో అత్యధిక కలెక్షన్లు రాబట్టిన మూవీగా నిలిచింది. ప్రపంచ వ్యాప్తంగా ఇది సుమారు రూ. 1900కోట్లు రాబట్టింది. 

Allu Arjun, #Pushpa2, sukumar

రష్మిక మందన్నా హీరోయిన్‌గా, ఫహద్‌ ఫాజిల్‌ నెగటివ్‌ రోల్‌లో అనసూయ, సునీల్‌, జగపతిబాబు, రావు రమేష్‌ కీలక పాత్రలు పోషించిన ఈ చిత్రం డిసెంబర్‌ 5న విడుదలైన విషయం తెలిసిందే.  ఇప్పుడు ఓటీటీలోకి వస్తుంది. ప్రముఖ ఓటీటీ సంస్థ నెట్‌ ఫ్లిక్స్ లో `పుష్ప 2` స్ట్రీమింగ్‌ కాబోతుంది. జనవరి 30న ఇది ఓటీటీలోకి రాబోతుందని తెలుస్తుంది. 

ఇదిలా ఉంటే `పుష్ప 2`సినిమా నిడివి ఇప్పుడు హాట్‌ టాపిక్‌ అవుతుంది. ఈ సినిమా థియేటర్లో మూడు గంటల ఇరవై నిమిషాల నిడివితో విడుదలైంది. విశేష ఆదరణ పొందింది. ఆ తర్వాత దీనికి మరో ఇరవై నిమిషాలు యాడ్‌ చేసింది టీమ్‌. మూడు గంటల 40 నిమిషాల నిడివితో జనవరి 17న `పుష్ప 2` రీ లోడెడ్‌ పేరుతో మరోసారి రిలీజ్‌ చేశారు. దీంతో ఫస్ట్ వెర్షన్‌లో ఉన్న అనేక ప్రశ్నలకు ఈ రీ లోడెడ్‌ వెర్షన్‌ సమాధానం చెప్పింది. 

ఇదిలా ఉంటే ఓటీటీ వెర్షన్‌లో మరికొంత కంటెంట్‌ని యాడ్‌ చేస్తున్నారట. సుమారు నాలుగు నిమిషాల నిడివి కంటెంట్‌ని యాడ్‌ చేస్తున్నారట. ఇలా మొత్తంగా ఓటీటీ వెర్షన్‌లో మూడు గంటల 44 నిమిషాల నిడివితో `పుష్ప 2` రాబోతుందని చెప్పొచ్చు. ఇది ఫ్యాన్స్ కి, కామన్‌ ఆడియెన్స్ కి ఫుల్‌ మీల్స్ అని చెప్పొచ్చు. 

`పుష్ప2` సినిమాని నార్త్ఆడియెన్స్ బాగా ఆదరించారు. కానీ సౌత్‌లోఇది పెద్దగా ఆడలేదు. తెలంగాణలో తప్ప ఏపీ, తమిళనాడు, కేరళా, కర్నాటకలో ఈ మూవీ బ్రేక్‌ ఈవెన్‌ కూడా కాలేదు. ఈ నేపథ్యంలో ఇప్పుడు ఓటీటీ వెర్షన్‌లో అయినా మన ఆడియెన్స్ చూస్తారా? అనేద ఆసక్తికరంగా మారింది. ఓటీటీ దీనికి రెస్పాన్స్ ఎలా ఉంటుందనేది ఇంట్రెస్టింగ్‌గా మారింది.