వైజాగ్ లో 'తండేల్' హిట్ కాకుంటే శోభిత ముందు నా పరువు పోతుంది.. చైతు కామెంట్స్ కి నెటిజన్ల వైల్డ్ రియాక్షన్ 

తండేల్ చిత్ర ట్రైలర్ ని మంగళవారం రోజు లాంచ్ చేశారు. ట్రైలర్ కి మంచి రెస్పాన్స్ వస్తోంది. 

అక్కినేని నాగ చైతన్య నటించిన తాజా చిత్రం తండేల్. నాగ చైతన్య కెరీర్ లోనే అత్యధిక బడ్జెట్ లో ఈ చిత్రం తెరకెక్కుతోంది. ఫిబ్రవరి 7న ఈ చిత్రాన్ని గ్రాండ్ గా రిలీజ్ చేస్తున్నారు. కార్తికేయ 2 పాన్ ఇండియా సక్సెస్ తర్వాత చందూ ముండేటి తెరకెక్కిస్తున్న చిత్రం ఇది. బన్నీ వాసు నిర్మాతగా, అల్లు అరవింద్ సమర్పకుడిగా ఈ చిత్రం గీతా ఆర్ట్స్ బ్యానర్ లో తెరకెక్కుతోంది.

వైజాగ్ వేదికగా తండేల్ చిత్ర ట్రైలర్ ని మంగళవారం రోజు లాంచ్ చేశారు. ట్రైలర్ కి మంచి రెస్పాన్స్ వస్తోంది. సముద్రంలో జరిగే యాక్షన్ సీన్స్, చైతు, సాయి పల్లవి కెమిస్ట్రీ ప్రధాన ఆకర్షణగా నిలుస్తున్నాయి. ట్రైలర్ లాంచ్ ఈవెంట్ లో  చైతు చేసిన వ్యాఖ్యలు ఇంటర్నెట్ లో తెగ వైరల్ అవుతున్నాయి. తన వ్యక్తిగత జీవితం గురించి మాట్లాడుతూ చైతు తండేల్ చిత్రంతో ముడిపెట్టారు.

ఫ్యాన్స్ ని ఉద్దేశించి చైతు వ్యాఖ్యలు చేస్తూ.. నేను వైజాగ్ అమ్మాయిని ప్రేమించి పెళ్లి చేసుకున్నాను అంటూ శోభిత గురించి ప్రస్తావించారు. ఇప్పుడు నా ఇంట్లో కూడా వైజాగ్ ఉంది. నా ఇంట్లో కూడా రూలింగ్ పార్టీ వైజాగే. సో బ్రదర్స్ మీ అందరికీ ఒక రిక్వస్ట్. తండేల్ చిత్రానికి వైజాగ్ లో కలెక్షన్స్ అదిరిపోవాలి. వైజాగ్ లోనే కలెక్షన్ తక్కువ వస్తే ఇంట్లో నా పరువు పోతుంది నా భార్య ముందు అని అర్థం వచ్చేలా చైతు కామెంట్స్ చేశారు. 

దీనితో అక్కడున్న ఫ్యాన్స్ కేరింతలు కొట్టారు. 85 కోట్ల బడ్జెట్ లో ఈ చిత్రాన్ని తెరకెక్కించారు. చైతు మార్కెట్ తో పోల్చుకుంటే ఇది చాలా ఈ బడ్జెట్ చాలా ఎక్కువ. కానీ పాన్ ఇండియా రిలీజ్, కంటెంట్ ని నమ్ముకుని ఈ చిత్రాన్ని తెరకెక్కించారు. అయితే ట్రైలర్ లాంచ్ ఈవెంట్ లో చైతు వైజాగ్, శోభిత గురించి చేసిన వ్యాఖ్యలపై సోషల్ మీడియాలో విభిన్నమైన కామెంట్స్ వినిపిస్తున్నాయి.

శోభితని ప్రేమించి పెళ్లి చేసుకున్నానని చైతు చెప్పడంతో.. కొందరు నెటిజన్లు సమంతని గుర్తు చేస్తూ దారుణంగా కామెంట్స్ పెడుతున్నారు. వైజాగ్ లో కలెక్షన్స్ కి నీ ప్రేమ పెళ్ళికి సంబంధం ఏంటి అని కొందరు నెటిజన్లు ప్రశ్నిస్తున్నారు. చైతు ప్రేమ పెళ్లి గురించి బయట మాట్లాడకపోవడమే బెటర్ అని మరికొందరు కామెంట్స్ చేస్తున్నారు. ఇంకొందరైతే ఇంకా వైల్డ్ గా రియాక్ట్ అవుతున్నారు. ఏది ఏమైనా తండేల్ చిత్రానికి మాత్రం ప్రస్తుతం పాజిటివ్ బజ్ ఉంది. నాగ చైతన్య కెరీర్ బెస్ట్ కి మించి వసూళ్లు సాధించాల్సి ఉంది. అప్పుడే నిర్మాతలు సేఫ్ అవుతారు.