Krishna Mukunda Murari: కృష్ణ మాటలకి కన్నీరు పెట్టుకున్న భవాని.. భార్యలో మరో కోణాన్ని చూసి షాకైన మురారి!

Krishna Mukunda Murari: స్టార్ మాలో ప్రసారమవుతున్న కృష్ణ ముకుంద మురారి సీరియల్ మంచి కథ కథనాలతో మంచి రేటింగ్ ని సంపాదించుకుంటుంది. పెద్దవాళ్లని ఎదిరించి ఆడపడుచు జీవితాన్ని చక్కబెట్టిన ఒక వదిన కథ సీరియల్. ఇక ఈరోజు ఏప్రిల్ 29 ఎపిసోడ్ లో ఏం జరిగిందో చూద్దాం. 

ఎపిసోడ్ ప్రారంభంలో మీ అందరికీ ఏమైంది నేను ఇప్పటివరకు రేవతి తోనే మాట్లాడాను మీరందరూ వచ్చి కృష్ణతో మాట్లాడుతున్నారు అంటుంది భవాని. కామ్ గా ఎవరి మటుకు వాళ్లు వెళ్లిపోతారు. ఇంకెవరితోనైనా మాట్లాడమంటే ఊరుకోను అంటూ కృష్ణతో అంటుంది భవాని. మీరే నాతో మాట్లాడుతున్నారు అంటుంది కృష్ణ. కోపంతో అక్కడ నుంచి వెళ్ళిపోతుంది భవాని. రేవతి, కృష్ణ ఇద్దరూ నవ్వుకుంటారు. మరోవైపు భర్తని టిఫిన్ కి రమ్మని పిలుస్తుంది కృష్ణ.

మురారి వచ్చి డైనింగ్ టేబుల్ దగ్గర కూర్చోవడంతో భవాని వాళ్ళు టేబుల్ దగ్గరికి రారు. మధు వాళ్ళు వెళ్లబోతుంటే అడ్డుకుంటుంది భవాని. అసలే ఆకలితో ఉన్న మధు ఏమి అనలేక పక్కన కూర్చుంటాడు. మరోవైపు వంట గదిలో ఏదో వెతుకుతూ ఉంటుంది రేవతి. ఏం వెతుకుతున్నారు అని అడుగుతుంది ముకుంద. ఉప్పు, కారం రెండూ కనిపించట్లేదు అంటుంది రేవతి. కృష్ణ ఇప్పుడే చట్నీ చేసినట్లుగా ఉంది ఎక్కడ పెట్టిందో వెళ్లి కనుక్కొని వస్తాను అంటుంది ముకుంద. మా అక్కయ్య మళ్ళీ నేనే ఏదో అడిగించాను అనుకుంటుంది అంటుంది రేవతి.

అవన్నీ నేను చూసుకుంటాను అని తన గదిలోకి వెళ్లి పెన్ను పేపర్ తీసుకువచ్చి ఉప్పు కారం ఎక్కడా అని ఈ పేపర్ మీద రాసి కృష్ణకి ఇస్తుంది. ఈ పేపర్ చాటింగ్ ఏదో బాగుంది అంటాడు మురారి. పై సెల్ఫ్ లో పెట్టాను చూడండి అత్తయ్య అంటుంది కృష్ణ. ఎవరితోని మాట్లాడొద్దని చెప్పాను కదా అంటూ కేకలు వేస్తుంది భవాని. నేనేం చేశాను కొన్ని అడిగిన ప్రశ్నకి రాసి సమాధానం చెప్తామంటే నాది ఎంగిలి చెయ్యి. ఎడం చేత్తో రాయటం రాదు అని తెలివిగా చెప్తుంది కృష్ణ. కోపంతో అక్కడినుంచి భవాని వాళ్ళు వెళ్లిపోతారు. కృష్ణ నువ్వు కేక అని మనసులో అనుకుంటాడు మురారి. 

అరవైపు ఇంకా లాభం లేదు కన్న కూతుర్నే వదులుకున్నాను అలాంటిది బయట పిల్లని వదులుకోవడం లెక్క కాదు అంటుంది భవాని. కానీ మురారి అని ఈశ్వర్ అంటుండగానే ఎవరేమైపోతే మనకెందుకు.. పేరుకే పెంచిన తల్లి కానీ చాలా పవర్ ఫుల్ అని భవాని వెనుకగా ఉన్న యశోద కృష్ణుల ఫోటో చూస్తూ భవాని వినబడేలాగా మాట్లాడుతుంది కృష్ణ. నువ్వు పెంచిన కొడుకే కదా మన్ను తిన్నా ఆ కృష్ణుడే, వెన్న తిన్న ఆ కృష్ణుడే కాస్త దయ తలచి కనికరం చూపించొచ్చు కదా, గోకులంలో నువ్వు, ద్వారకలో కన్నతల్లి ఎవరూ మాట్లాడకపోతే మోము వాడిపోయి కూర్చున్న కృష్ణయ్యని చూడండి అని వేడుకుంటుంది కృష్ణ.

ఎమోషనల్ అయిన భవాని కన్నీరు పెట్టుకుంటుంది. పెంచిన తల్లి శాపం పెడితే, వరాలిచ్చే ఆ దేవుడే ఒంటరిగా మిగిలిపోయాడు అంటూ కన్నీరు పెట్టుకొని అక్కడ నుంచి వెళ్ళిపోతుంది కృష్ణ. మరోవైపు మురారి కృష్ణతో గడిపిన క్షణాలు తలుచుకొని ఆనంద పడుతూ ఉంటాడు. ఈ బొమ్మ నల్లబడే లోపల నేను ఇంట్లోంచి వెళ్ళిపోతాను  అన్న కృష్ణ మాటలు తలుచుకొని ఆ బొమ్మని చూస్తాడు మురారి. అప్పుడే వచ్చిన కృష్ణ బొమ్మ నల్లబడిందో లేదో అని చూస్తున్నారా అని భర్తని అడుగుతుంది. లేదు దుమ్ము పడితే తుడిచి మళ్లీ లోపల పెడుతున్నాను అంటాడు మురారి. 

 అది లోపల ఎందుకు పెట్టారు బయట పెట్టొచ్చు కదా అంటుంది కృష్ణ. బయట ఉంటే ఏసీ గారికి త్వరగా నల్లబడుతుందని లోపల పెట్టాను అని మనసులో అనుకుంటాడు మురారి. బయటికి మాత్రం టాపిక్ మార్చేసి నువ్వు కేక, తెలివిగా అందరూ నీతో మాట్లాడేలాగా చేసుకుంటున్నావు అంటాడు మురారి. లేకపోతే ఏం చేయమంటారు, ఏం చేస్తే కూతురు బాగుంటుందో అని ఆలోచించడం మానేసి ఏం చేస్తే పెద్దరికం నిలబడుతుందో అని ఆలోచిస్తున్నారు. వీళ్ళకి అసలు మనసు లేదు అంటుంది కృష్ణ. నిజమే రేపటి రోజున మనకి ఆడపిల్ల పుడితే ఇలాగే ప్రవర్తిస్తామా అంటాడు మురారి.

నాకే గనక నందిని లాంటి కూతురు ఉంటే వాడికి తనకి నచ్చినవాడిని ఇచ్చి పెళ్లి చేస్తాను మీరు ఒప్పుకోకపోయినా కూడాఅంటుంది కృష్ణ. నేనెందుకు ఒప్పుకోను నీ మాటే నా మాట కదా అంటాడు మురారి. ఒక్కసారిగా జ్ఞాపకం వచ్చిన కృష్ణ ఆగండి మనమేదో నిజం భార్యాభర్తల్లాగా మాట్లాడేసుకుంటున్నాము అంటుంది. కానీ టాపిక్ ఇంట్రెస్టింగ్ గా ఉంది కాసేపు నిజం భార్యాభర్తల్లాగే మాట్లాడేసుకుందాము అంటాడు మురారి. ఏం మాట్లాడుకుంటాం అంటుంది కృష్ణ. నేను ఆటో నడిపే మొగుడిని, నువ్వు పాచి పని చేసే కిట్టమ్మవి అంటాడు మురారి.

అలా చేయటానికి ముందు కృష్ణ ఒప్పుకోదు కానీ భర్త కోరిక మేరకు  చిట్టమ్మలా యాక్ట్ చేస్తుంది. పాత్రలో బాగా లీన మైపోgయి మొగుడిని చితగ్గొడుతుంది కృష్ణ. ఇంకాపు ఈ మొగుడు పెళ్ళాల ఆట నాకు నచ్చలేదు నీలో ఇంత రెబల్ క్యారెక్టర్ ఉందని నాకు తెలియదు అంటాడు మురారి. తరువాయి భాగంలో నేను మరీ అంత డామినేటింగ్ గా ఉంటానా అంటుంది కృష్ణ. డామినేటింగ్ కాదు డేరింగ్ పర్సన్ వి ఎందుకంటే ఒక పోలీస్ ఆఫీసర్ కూతురివి, మరొక పోలీస్ ఆఫీసర్ భార్యవి కదా అంటాడు మురారి.