రేప్ సీన్లో స్టార్ యాక్టర్ చెంప చెల్లుమనిపించిన జయప్రద.. ఇన్నాళ్లకి క్లారిటీ ఇచ్చిన నటుడు
జయప్రద.. స్టార్ యాక్టర్ దలిప్ తహిల్ చెంప చెల్లుమనిపించినట్టు బాలీవుడ్లో తరచూ ఓ వార్త చక్కర్లు కొడుతుంటుంది. తాజాగా ఆ నటుడు స్పందించారు. జయప్రద తనని కొట్టిన సంఘటన గురించి ఓపెన్ అయ్యారు.
80వ దశకంలో శ్రీదేవి, జయప్రద, జయసుధ వంటి కథానాయికలు స్టార్ హీరోయిన్లుగా రాణించిన విషయం తెలిసిందే. అటు నార్త్, ఇటు సౌత్ని ఓ ఊపు ఊపేశారు. వారిలో గ్లామర్ బ్యూటీగా జయప్రద(Jayaprada) అన్ని చిత్ర పరిశ్రమలను ఓ ఊపు ఊపేసింది. అయితే ఓ బాలీవుడ్ సినిమా షూటింగ్లో రేప్ సీన్ చేస్తుంటే జయప్రద ఆ నటుడిని చెంప దెబ్బ కొట్టిందట. ఈ వార్త చాలా కాలంగా గూగుల్ సర్క్యూలేట్ అవుతుంది.
తాను జయప్రదని రేప్ చేసినట్టు వార్త నెట్టింట చక్కర్లు కొడుతున్న నేపథ్యంలో ఇన్నాళ్లకి నటుడు దలిప్ తహిల్(Dalip Tahil) స్పందించారు. అసలు విషయం బయటపెట్టారు. మరి ఆ వివరాలు చూస్తే, 1986లో అమితాబ్ బచ్చన్తో కలిసి జయప్రద `ఆఖ్రే రాస్తా`(Aakhree Raasta) చిత్రంలో నటించారు. కే భాగ్యరాజ్ దర్శకత్వం వహించిన క్రైమాడ్రామా చిత్రమిది. ఇందులో అమితాబ్ ద్విపాత్రాభినయం చేశారు. తండ్రి పాత్రకి జోడీగా జయప్రద, కొడుకు పాత్రకి జోడీగా శ్రీదేవి హీరోయిన్లుగా నటించారు. పోలీస్ ఇన్స్ పెక్టర్ గా దలిప్ తహిల్ నటించారు. నెగటివ్ షేడ్ ఉన్న పాత్ర ఆయనది.
ఈ సినిమాలో జయప్రద, తహిల్ మధ్య రేప్ సీన్ ఉందని, ఆ సీన్ చిత్రీకరించే సమయంలో దలిప్ కాస్త ఓవర్గా మూవ్ అయ్యాడని, ఆ సమయంలో ఇబ్బంది పడిన జయప్రద తహిల్ చెంప చెల్లుమనిపించిందట. ఆ విషయంలో హాట్ టాపిక్గా మారిందని, సంచలనంగా మారిందని బాలీవుడ్ మీడియాలో కథనాలు వచ్చాయి. ఈ కథనాలపై ఇన్నాళ్లకి నటుడు దలిప్ తహిల్ స్పందించారు.
ఈ వార్తలను తానూ చాలా కాలంగా చూస్తున్నానని, తనని హెచ్చరిస్తూనే ఉన్నాయని చెప్పారు. బాలీవుడ్ మీడియా దీనిపై ప్రశ్నించగా ఆయన ఈ విధంగా స్పందించారు. తాను జయప్రదతో ఎప్పుడూ స్క్రీన్ షేర్ చేసుకోలేదని స్పష్టం చేశారు. ఆమెతో తెరని పంచుకోవాలని, కలిసి నటించాలని అనుకున్నానని, కానీ ఆ అవకాశం రాలేదని పేర్కొన్నారు. వైరల్ అవుతున్న సీన్ తమ మధ్య ఎప్పుడూ జరగలేదని పేర్కొన్నారు. ఈ వార్తని రాసే వ్యక్తిపై తనకు ఎలాంటి శత్రుత్వం లేదని, కానీ ఇది ఎప్పుడు జరిగిందనేది నాకు చూపించాలని కోరుకుంటున్నా అని పేర్కొన్నారు తహిల్.
సోషల్ మీడియాపై ఆయన స్పందిస్తూ, సామాజిక మాధ్యమాల్లో ఇప్పుడు అనేక విషయాలను సృష్టిస్తున్నారని, ఎప్పుడూ లేని పరిస్థితులు సృష్టిస్తున్నారని ఆవేదన వ్యక్తం చేశారు. అలాంటి దృశ్యాలు ఎప్పుడు జరగలేదని చెప్పారు. తహిల్ చివరగా `హిట్ః ది ఫస్ట్ కేస్`లో నటించారు. కొన్ని దశాబ్దాలుగా నటుడిగా రాణిస్తున్న తహిల్ వందకుపైగా చిత్రాల్లో అనేక విలక్షణమైన పాత్రలు పోషించారు. వాటిలో `బాజీగర్`, `ఖయామత్ సే ఖయామత్ తక్`, `కహో నా ప్యార్ మై`, `రాక్ ఆన్`, `రా వన్`, `భాగ్ మిల్కా భాగ్` చిత్రాలు ప్రధానంగా ఉన్నాయి.