జబర్దస్త్ లవర్స్ కీలక నిర్ణయం... ఎంగేజ్మెంట్ జరుపుకున్న రాకేష్-సుజాత!

బుల్లితెర ప్రేమికులు రాకింగ్  రాకేష్-సుజాతల ఎంగేజ్మెంట్ జరుపుకున్నారు. శాశ్వత బంధం వైపు మరో కీలక అడుగు వేశారు. రాకేష్-సుజాతల ఎంగేజ్మెంట్ వేడుకకు బుల్లితెర ప్రముఖులు, రాజకీయ నేతలు హాజరయ్యారు. 
 

అనసూయ, రవి, అలేఖ్య హారిక, గెటప్ శ్రీను నిశ్చితార్థ వేడుకలో సందడి చేశారు. మంత్రి రోజా హాజరుకావడం ప్రత్యేకత సంతరించుకుంది. జబర్దస్త్ జడ్జిగా ఏళ్ల తరబడి వ్యవహరించిన రోజాతో రాకేష్ కి మంచి అనుబంధం ఉంది. రాకేష్ ని ఆమె ఓ ఇంటి సభ్యుడిగా భావిస్తారు. ఇటీవల ఇద్దరినీ ఇంటికి పిలిచి ఆతిథ్యం ఇచ్చారు. సుజాతకు చీరె,సారె పెట్టడం జరిగింది. దగ్గరుండి మంత్రి హోదాలో తిరుమల శ్రీవారి దర్శనం చేయించారు. 
 

  నేడు నిశ్చితార్థం జరగ్గా త్వరలో పెళ్లిపీటలు ఎక్కనున్నారు.  రాకింగ్ రాకేష్-జోర్దార్ సుజాత చాలా కాలంగా ప్రేమించుకుంటున్న సంగతి  తెలిసిందే. జబర్దస్త్ వేదికగా వీరి ప్రేమ చిగురించింది. ఇతర ప్రేమకథల మాదిరి వీరిది కూడా ఉత్తుత్తి ప్రేమ అనుకున్నారందరూ. ఓ టెలివిజన్ షోలో రాకింగ్ రాకేష్ జోర్దార్ సుజాతకు అందరి ముందు ప్రపోజ్ చేశాడు. జోర్దార్ షోతో ఫేమస్ అయిన సుజాత బిగ్ బాస్ సీజన్ 4లో పాల్గొన్నారు. హోస్ట్ నాగార్జునను సుజాత బిట్టు అని పిలిచేది. ఆ సీజన్లో స్ట్రాంగ్ కంటెస్టెంట్స్ ఉండగా సుజాత జర్నీ ఎక్కువ వారాలు సాగలేదు.
 

అయితే బిగ్ బాస్ షో అనంతరం ఆమెకు బుల్లితెర ఆఫర్స్ పెరిగాయి. అలా జబర్దస్త్ లోకి ఎంట్రీ ఇచ్చింది. అప్పుడే రాకేష్-సుజాత మధ్య ప్రేమ చిగురించింది. ఇక సుజాతతో పెళ్ళికి రాకేష్ మదర్ గ్రీన్ సిగ్నల్ ఇచ్చింది. ఒకరకంగా చెప్పాలంటే... ఆమె సుజాత విషయంలో చాలా సంతోషంగా ఉన్నారు. రాకేష్ అసలు వివాహం చేసుకోను అన్నాడట. 
 

తమ్ముడికేమో పెళ్ళై పిల్లలు కూడా ఉన్నారట. బంధువులు అందరూ రాకింగ్ రాకేష్ వివాహం ఎప్పుడని అడుగుతుంటే ఆమెకు చాలా ఇబ్బందిగా ఉండేదట.సుజాత కారణంగా రాకేష్ వివాహానికి ఒప్పుకోవడం సంతోషకర విషయం అని తల్లి అన్నారు. అలాగే సుజాతపై ఆమె ప్రశంసలు కురిపించారు.

సుజాత వచ్చాక ఇల్లు సందడిగా మారింది. గలగలా మాట్లాడే సుజాత మా ఇంట్లో మరో చిన్నారి అయ్యిందంటూ కాబోయే కోడలిపై ప్రేమ కురిపించింది. పెళ్లి కాకుండానే రాకింగ్ రాకేష్ ఇంట్లో సభ్యురాలు అయ్యింది సుజాత.

ఇక రాకింగ్ రాకేష్ చిన్న పిల్లల స్కిట్స్ కి ఫేమస్. మామూలు కమెడియన్ గా వచ్చి రాకేష్ టీమ్ లీడర్ అయ్యాడు. ప్రస్తుతం జబర్దస్త్ లో ఉన్న సీనియర్ కమెడియన్స్ లో రాకింగ్ రాకేష్ ఒకరు. ఆడపడపాదడపా సినిమాల్లో కూడా రాకింగ్ రాకేష్ నటిస్తున్నారు.