మళ్ళీ మరోసారి రేటు భారీగా పెంచిన శ్రీలీల, ఇలా అయితే చాలా కష్టం అంటున్న మేకర్స్

ఒక‌ప్పుడు హీరోయిన్లకు స్టార్ డమ్ వచ్చి.. ఓ పది సినిమాల పైన పడితేనే రెమ్యూనరేషన్ లో కాస్త మార్పులు చేసేవారు. అప్పటికీ వెనకా ముందు ఆలోంచించేవారు. కాని ఇప్పుడు కొత్త హీరోయిన్లు రెండు మూడు సినిమాలకే భారీగా డిమాండ్ చేస్తున్నారు. ఇప్పుడు వస్తోన్న హీరోలు, హీరోయిన్లు ఒక్క హిట్ ప‌డితే చాలు రెమ్యున‌రేష‌న్ అమాంతం పెంచేస్తున్నారు. 

ఇక యంగ్ క్రేజీ హీరోయిన్ లలో ప్రస్తుతం డిమాండు ఉన్న తారలలో కృతి శెట్టితో పాటు  శ్రీలీల‌ కూడా ఉంది. పెళ్లిసంద‌డి సినిమాతో తెలుగు తెర ఎంట్రీ ఇచ్చింది బ్యూటీ. అయితే ఈ సినిమా ప్లాప్ అయినా.. శ్రీలీలకు మాత్రం డిమాండ్ అమాంతం పెరిగిపోనయింది.  అసలు పెళ్ళి సందడి సినిమా ఆమాత్రం చూశారంటే అది శ్రీలీలవల్లే అనుకుంటున్నారు జనాలు. 

ఈసినిమాతో ఆమె డిమాండ్ అమాంతం పెరిగిపోయింది. మేకర్స్ ఆమె కోసం ఎగబడటం మొదలు పెట్టారు. ఇక ఆమెకు స్టార్ హీరోల పక్కన ఆఫర్లు వెంట పడుతున్నాయి. అందులో భాగంగా రవితేజ ధమాకా సినిమాతో పాటు బాలయ్య బాబు సినిమాలో కూడా ఛాన్స్ కొట్టేసింది శ్రీలీలా. బాలయ్య కూతురుగానటించబోతోంది. 

స్టార్ హీరోలు శ్రీలీల వెంటపడి మరీ కావాలి అనడంతో.. మేకర్స్ ఆమె వెంటపడి మరీ తమ సినిమాల కోసం బుక్ చేసుకుంటున్నారు.  ఇక ఆమెకు డిమాండ్ పెరగడంతో.. ఆమె కూడా డిమాండ్ చేయడం స్టార్ట్ చేసిందట. సినిమా సినిమాకు రేటు పెంచుతూ వస్తోందట శ్రీలీల. 

పెళ్లిసంద‌డి సినిమాకు 20 ల‌క్ష‌ల లోపే రెమ్యున‌రేష‌న్ తీసుకున్న శ్రీలీల ఇప్పుడు సినిమాకు కోటిన్నర కావాలంటుందట.అడిగినంత ఇస్తేనే సినిమాకు ఓకే చెపుతా.. లేక‌పోతే లేద‌ని ముఖం మీదే  చెప్పేస్తోంద‌ట‌. ఆమె అలా నిక్కచ్చిగా డిమాండ్ చేయడంతో మేకర్స్ షాక్ అవుతున్నారట.

 శ్రీలీల కూడా ఇష్ట‌మొచ్చిన‌ట్టు సినిమా సినిమాకు రెమ్యున‌రేష‌న్ పెంచుకుంటూ పోవ‌డం ఇప్పుడు బాగానే ఉన్నా.. ఆమెకు ఎప్పుడో ఒకప్పుడు దెబ్బ త‌ప్ప‌ద‌నే విమ‌ర్శ‌లు వ‌స్తున్నాయి. మరి ముందు ముందు ఈ బ్యటీ ఏం చేస్తుందో చూడాలి. 

శ్రీలీల ప్రస్తుతం మెగా మేనల్లుడు వైష్ణవ్ తేజ్ తో కలసి ఒక మాస్ ఎంటర్టైనర్ లో నటిస్తోంది. ఈ చిత్రాన్ని సితార ఎంటర్టైన్మెంట్స్ బ్యానర్ లో నాగవంశీ, త్రివిక్రమ్ సతీమణి సాయి సౌజన్య కలసి నిర్మిస్తున్నారు. ఈ చిత్రానికి శ్రీలీల రూ 1 కోటి పైగా రెమ్యునరేషన్ అందుకుంటోందట. ఆల్రెడీ శ్రీలీలకి మంచి క్రేజ్ వచ్చేసింది కాబట్టి ఆ రెమ్యునరేషన్ అందుకోవడంలో ఆశ్చర్యం లేదు.