బిగ్ బాస్ హౌస్లో సిరి, ఆగలేక ఇన్నాళ్లు దాచుకున్నదంతా ఒకేసారి కుమ్మరిస్తూ... శ్రీసత్యకు సైలెంట్ గా వార్నింగ్!

బిగ్ బాస్ కంటెస్టెంట్స్ ఇంటికి, ప్రపంచానికి దూరమై దాదాపు మూడు నెలలు అవుతుంది. దీంతో వారిలోని హోమ్ సిక్ దూరం చేసేందుకు ఫ్యామిలీ వీక్ నిర్వహిస్తున్నారు. కంటెస్టెంట్స్ ఫ్యామిలీ మెంబర్స్ ఒక్కొక్కరిగా వస్తున్నారు. దీంతో హౌస్లో ఎమోషన్స్ చోటు చేసుకుంటున్నాయి. కాగా శ్రీహాన్ కోసం వారి కుటుంబ సభ్యులు కాకుండా లవర్ సిరి వచ్చింది.

శ్రీహాన్ లవర్ సిరి అన్న విషయం తెలిసిందే. బిగ్ బాస్ సీజన్ 5 లో సిరి పాల్గొనగా ఆమె కోసం వేదికపైకి శ్రీహాన్ వచ్చాడు. ఈసారి బిగ్ బాస్ హౌస్లో శ్రీహాన్ ఉన్న నేపథ్యంలో ఆయన్ని కలిసేందుకు ఫ్యామిలీ మెంబర్ కోటాలో సిరి బిగ్ బాస్ హౌస్లోకి ఎంట్రీ ఇచ్చింది. 
 

మూడు నెలల విరహ వేదనంతా ఈ జంట తీర్చేసుకున్నారు. ముద్దులు, హగ్గులతో కెమెరాల ముందు రెచ్చిపోయారు. ఫ్రీజింగ్ స్టేట్ లో ఉన్న శ్రీహాన్ ప్రేయసి సిరిని చూడటంతోనే కన్నీరు పెట్టుకున్నాడు. ఎందుకు ఏడుస్తున్నావ్ అంటూ సిరి హత్తుకుంది. హత్తుకున్న సిరిని ఫ్రీజ్ కావాలని బిగ్ బాస్ చెప్పడంతో మరింత రొమాన్స్ ఎంజాయ్ చేశారు. 
 

అనూహ్య పరిణామం ఏమిటంటే సిరి ఒక సర్ప్రైజ్ ఇచ్చింది. అది చూసిన శ్రీహాన్ మురిసిపోయాడు. శ్రీహాన్ పేరును తన వీపుపై టాటూగా వేయించుకుంది. కళ్ళు మూసుకో నీకు సర్పైజ్ అని సిరి తన వీపుపై ఉన్న టాటూ శ్రీహాన్ కి చూపించింది. శ్రీహాన్ నిజంగా చాలా హ్యాపీగా ఫీల్ అయ్యాడు. 
 

కాగా హౌస్లో శ్రీహాన్ కంటెస్టెంట్ శ్రీసత్యతో సన్నిహితంగా ఉంటున్న సంగతి తెలిసిందే. ఈ క్రమంలో సిరికి ఎక్కడో ఒక మూలన అసహనం ఉందని స్పష్టమైంది. ఆమె సాఫ్ట్ గా శ్రీసత్యకు వార్నింగ్ ఇచ్చింది.
 

నిన్ను శ్రీహాన్  చింకీ ఫేస్ అన్నాడని రేవంత్ సిరితో చెప్పాడు. తర్వాత క్యూట్ అన్నాను, అది చెప్పవేంట్రా? అని శ్రీహాన్ కవర్ చేసుకునే ప్రయత్నం చేశాడు. అయితే శ్రీహాన్ మాటకు సిరి... క్యూట్ అని నన్ను కాదులే, శ్రీసత్యను అని ఉంటావు, చురక వేసింది.
 

శ్రీహాన్ ని నేను ఏడిపిస్తాను ఏమీ అనుకోకు అని శ్రీసత్య అన్నారు. ఖచ్చితంగా అనుకుంటాను ఏడిపించకు అని వెంటనే సిరి శ్రీసత్యకు కౌంటర్ వేసింది. ఇక శ్రీహాన్ ని కలవడానికి ఒక చిన్న పిల్లాడు వచ్చాడు. అతడి అల్లరిని ఇంటి సభ్యులు పిచ్చగా ఎంజాయ్ చేశారు.