ఇది బైకా.. మినీ కారా? అదిరే ఫీచర్స్, మైండ్‌బ్లోయింగ్ ధరతో ఇండియన్ రోడ్‌మాస్టర్ ఎలైట్ లాంచ్

భారతదేశంలో ‘ఇండియన్ రోడ్‌మాస్టర్ ఎలైట్’ ధర రూ.71.82 లక్షలు. మన దేశంలో అమ్ముడవుతున్న అత్యంత ఖరీదైన బైక్‌లలో ఇది ఒకటి అని చెప్పవచ్చు. అయితే, ఈ రోడ్‌మాస్టర్ ఎలైట్ బైక్  350 యూనిట్లు మాత్రమే ప్రపంచ వ్యాప్తంగా విక్రయించటం గమనించదగ్గ విషయం. 
 

ఫ్యూయల్ ట్యాంక్‌పై గ్రాఫిక్స్ డిజైన్, 2024 ఇండియన్ రోడ్‌మాస్టర్ ఎలైట్‌లోని ఫుట్-రెస్ట్ నిజంగా దాని ఆకర్షణను పెంచుతాయి. బైక్‌లో గ్లోస్ బ్లాక్ డాష్, బ్లాక్-అవుట్ విండ్‌స్క్రీన్, హ్యాండ్-పెయింటెడ్ గోల్డెన్ పిన్‌స్ట్రైప్స్ ఉన్నాయి.
 

బైక్ లుక్ పక్కన పెడితే, Apple CarPlay లాంటి ఫీచర్లు & టర్న్-బై-టర్న్ నావిగేషన్‌తో కూడిన 7-అంగుళాల TFT డిస్‌ప్లే ఈ బైక్‌ను ఆధునిక మెషిన్‌లా మార్చాయి. ఈ బైక్ ఎల్ఈడీ లైటింగ్ సిస్టమ్, 12-స్పీకర్ ఆడియో సిస్టమ్‌తో మినీ కారులా ఉంటుంది. 

2024 రోడ్‌మాస్టర్ ఎలైట్‌ ఎయిర్-కూల్డ్, 1,890cc, V-ట్విన్ ఇంజన్ ఇది 2,900rpm వద్ద 170Nm టార్క్‌ను ఉత్పత్తి  చేస్తుంది. దాదాపు 412 కిలోల బరువుతో, రోడ్‌మాస్టర్ ఎలైట్ చాలా పెద్ద బైక్‌ల కంటే భారీగా ఉంటుంది. ముఖ్యంగా, సస్పెన్షన్ సెటప్‌లో టెలిస్కోపిక్ ఫోర్క్ & ఎయిర్ అడ్జస్ట్‌తో కూడిన మోనోషాక్ ఉన్నాయి.