తెలంగాణా గవర్నమెంట్ ఎర్లీ మార్నింగ్ 1AM షోలుకు ఫర్మిషన్ ఇచ్చింది. నైజాం ఏరియాలో మొత్తం 20 థియేటర్లలో అర్ధరాత్రి ఒంటిగంటకు షోలు పడనున్నాయి.
ప్రభాస్, ‘కె.జి.యఫ్’ డైరెక్టర్ ప్రశాంత్ నీల్ కాంబినేషన్లో వస్తోన్న క్రేజీ పాన్ ఇండియా మూవీ ‘సలార్’ హంగామా మామూలుగా లేదు. నిన్నటి నుంచి టికెట్ల కోసం థియేటర్స్ దగ్గర అభిమానులు వందలాదిగా బారులు తీరారు. మైత్రీ మూవీస్ తీసుకున్న ఈ ఆఫ్ లైన్ టిక్కెట్ల అమ్మకం...నిర్ణయం కొంత వివాదాస్పదంగా ఉన్నా ‘సలార్’ క్రేజ్ను ఎంత ఉంది అనిపించటానికి ప్రపచం చూస్తోంది. ఈ క్రమంలో తెలంగాణా గవర్నమెంట్ ఎర్లీ మార్నింగ్ 1AM షోలుకు ఫర్మిషన్ ఇచ్చింది. నైజాం ఏరియాలో మొత్తం 20 థియేటర్లలో అర్ధరాత్రి ఒంటిగంటకు షోలు పడనున్నాయి. ఆ థియోటర్స్ లిస్ట్ ...
1) నెక్సస్ మాల్ - కూకట్పల్లి
2) ఏఎంబీ సినిమాస్ - గచ్చిబౌలి
3) భ్రమరాంబ - కూకట్పల్లి
4) మల్లికార్జున - కూకట్పల్లి
5) అర్జున్ - కూకట్పల్లి
6) విశ్వనాథ్ - కూకట్పల్లి
7) సంధ్య 70ఎంఎం - ఆర్టీసీ క్రాస్రోడ్స్
8) సంధ్య 35ఎంఎం - ఆర్టీసీ క్రాస్రోడ్స్
9) రాజధాని డీలక్స్ - దిల్సుఖ్ నగర్
10) శ్రీరాములు - మూసాపేట
11) గోకుల్ - ఎర్రగడ్డ
12) శ్రీ సాయిరాం - మల్కాజిగిరి
13) ఎస్వీసీ తిరుమల - ఖమ్మం
14) వినోద్ - ఖమ్మం
15) వెంకటేశ్వర - కరీంనగర్
16) నటరాజ్ - నల్గొండ
17) ఎస్వీసీ విజయ - నిజామాబాద్
18) వెంకటేశ్వర - మహబూబ్ నగర్
19) శ్రీనివాసా - మహబూబ్ నగర్
20) రాధిక - వరంగల్.
‘ఖాన్సార్ వల్ల చాలా మంది కథలు మారాయి. కానీ ఖాన్సార్ కథ మార్చింది.. ఇద్దరు ప్రాణ స్నేహితులు బద్ధ శత్రువులుగా మారడం’ అనే డైలాగుతో వచ్చిన #Salaar ట్రైలర్ను ఓ రేంజిలో పేలింది. ప్రభాస్, పృధ్వీరాజ్ ఇద్దరూ ప్రాణ స్నేహితులు ఎలా అయ్యారు..వారు ఏం చేస్తూంటారు. తన ప్రాణ స్నేహితుడు కోసం ప్రభాస్ ఏం చేస్తాడు వంటి విషయాలతో నడుస్తూ ,వారిద్దరూ, బద్ధ శత్రువులుగా మారడంతోనే సలార్ పార్ట్ 1 ముగిసే అవకాశం ఉంది. పార్ట్ 2లో ఈ ఇద్దరు స్నేహితుల మధ్య పోరును చూపిస్తారు దర్శకుడు అని ట్రైలర్ చూసిన వారికి అర్దమైంది. అలాగే ట్రైలర్ లో విజువల్స్ చూసే వారికి సినిమా పెద్ద బ్లాక్ బస్టర్ అని తెలిసిపోయింది. ఈ నేపధ్యంలో ఈ చిత్రం ఎంత కలెక్ట్ చేసే అవకాసం ఉందనే లెక్కలు మీడియాలో,ట్రేడ్ లో మొదలయ్యాయి.
ఈ చిత్రం మొదటిరోజు అంటే డిసెంబర్ 22న వరల్డ్వైడ్గా రూ. 150 నుంచి 160 కోట్ల గ్రాస్ను #Salaar ఈజీగా క్రాస్ చేస్తుందని అంచనా వేస్తున్నారు. అలాగే #Salaar మొదటి వారం రూ. 500 నుంచి 600 కోట్ల గ్రాస్, ఓవరాల్గా రూ. 1200 కోట్ల పై చిలుకే గ్రాస్ కలెక్ట్ చేస్తుంది (వరల్డ్వైడ్ అన్ని భాషల్లో కలిపి) అని అంచనా. ఏ మాత్రం బాగుందని టాక్ వచ్చినా ఈ ఫిగర్స్ ని రీచ్ అయ్యిపోవచ్చు.
డిసెంబర్ 22న ‘సలార్’ మొదటి భాగం ‘సలార్ పార్ట్ 1 : సీజ్ ఫైర్’ పేరుతో తెలుగు, కన్నడంతో పాటు మలయాళ, తమిళ, హిందీ భాషల్లో గ్రాండ్ గా రిలీజ్ కాబోతుంది. ప్రభాస్ ఫ్యాన్స్ మాత్రమే కాకుండా యావత్ సినీ ప్రేక్షకులు ఎంతో ఆసక్తిగా ఎదురుచూస్తున్న చిత్రం ‘సలార్’ . ‘కె.జి.ఎఫ్'(సిరీస్) దర్శకుడు ప్రశాంత్ నీల్.. ప్రభాస్ తో చేసిన ఈ సినిమా పై భారీ అంచనాలు ఉన్నాయి.
