అవుట్ అండ్ అవుట్ కామెడీ ఎంటర్ టైనర్ ‘ఎఫ్3’ మూవీ నుంచి ‘ఫన్’టాస్టిక్ ట్రైలర్ రిలీజ్ కానుంది. ఈ ఫన్ బాంబ్ బ్లాస్టింగ్ కు మేకర్స్ టైం ఫిక్స్ చేశారు. ఈ మేరకు అధికార ప్రకటన చేశారు.
‘ఎఫ్2’తో తెలుగు ఆడియెన్స్ ను ఎంతగానో ఆకట్టుకున్నారు అనిల్ రావిపూడి (Anil Ravipudi). దానికి సీక్వెల్ గా వుస్తున్న చిత్రం ‘ఎఫ్3’ (F3). ఈ మూవీతో మరోసారి నవ్వుల పండుగ ప్రారంభం కానుంది. మొదటి పార్ట్ లో ఫ్యామిలీతో కలిగే ఫ్రస్టేషన్ ను చూపించారు. ఈ సారి మనీతో మనుషులకు కలిగే ఫ్రస్టేషన్ ను హాస్యరూపకంగా ‘ఎఫ్3’ ద్వారా చూపించనున్నారు. ఈ చిత్రం షూటింగ్ పార్ట్ ఇప్పటికే పూర్తయ్యి రిలీజ్ కు అన్ని విధాలా సిద్ధమవుతోంది. ఇప్పటికే ఈ చిత్రం నుంచి రిలీజ్ అయిన సాంగ్స్, మేకింగ్ వీడియోస్ సినిమాపై ఆసక్తిని పెంచుతున్నారు.
ఎఫ్3 కోసం ఎప్పుడెప్పుడా అని ఎదురుచూస్తున్న ఆడియెన్స్ ను ఖుషీ చేసేందుకు మేకర్స్ తాజాగా క్రేజీ అప్డేట్ అందించారు. చిత్ర ట్రైలర్ ను రిలీజ్ చేసేందుకు టైం ఫిక్స్ చేశారు. మే 9న థియేట్రికల్ ట్రైలర్ ను రిలీజ్ చేయనున్నారు. ఈ మేరకు అధికార ప్రకటన చేశారు మేకర్స్. దీంతో సమ్మర్ సోగాళ్లు చేసే సందడి ట్రైలర్ తో ప్రారంభం కానుంది. ఆ తర్వాత నుంచి చిత్ర యూనిట్ వరుస ప్రమోషన్ కార్యక్రమాలను నిర్వహించనుంది.
కరోనా పరిస్థితులు, పెద్ద సినిమాల తాకిడి వల్ల ఎఫ్3 సినిమా కాస్తా ఆలస్యమైంది. లేదంటే ఈపాటికే రిలీజ్ కావాల్సి ఉండేంది. ఇప్పటికే చిత్ర యూనిట్ వరుస అప్డేట్స్ ఇస్తూ సినిమాపై అంచనాలు పేంచేస్తోంది. గత కొద్ది రోజులుగా యాక్షన్ డ్రామా, రొమాంటిక్ జానర్ సినిమాలే ప్రేక్షకుల ముందుకు వస్తున్నాయి. మూడేండ్ల తర్వాత అవుట్ అండ్ అవుట్ కామెడీ ఎంటర్ టైనర్ గా వస్తున్న చిత్రమిది. ఈ మూవీ కోసం ప్రేక్షకులు ఎంతగానో ఎదురుచూస్తున్నారు.
ఈ చిత్రానికి డైరెక్టర్ అనిల్ రావిపూడి (Anil Ravipudi) దర్శకత్వం వహించారు. హీరోహీరోయిన్లుగా విక్టరీ వెంకటేశ్(Venkatesh), వరుణ్ తేజ్ (Varun Tej), తమన్నా భాటియా (Tamannaah), మెహరీన్ ఫిర్జాదా నటిస్తున్నారు. శ్రీ వెంకటేశ్వర క్రియేషన్స్ బ్యానర్ పై నిర్మాత శిరీష్ నిర్మిస్తున్నారు. ఈ అవుట్ అండ్ అవుట్ కామెడీ ఎంటర్ టైనర్ మే 27న గ్రాండ్ గా రిలీజ్ కానుంది.
