సగం ధరకే '2.0' టికెట్లు!

సూపర్ స్టార్ రజినీకాంత్ నటించిన '2.0' సినిమా గురువారం ప్రేక్షకుల ముందుకు వచ్చి హిట్ టాక్ సొంతం చేసుకుంది. స్టార్ హీరోల సినిమాలకి హిట్ టాక్ వస్తే వీకెండ్స్ లో టికెట్లు హాట్ కేకుల్లా అమ్ముడిపోతాయి. కానీ రజినీకాంత్ సినిమా పరిస్థితి అలా లేదు.

2.0 movie tickets in usa can be bought fifty percent off

Udayavani Dhuli

Hyderabad, First Published Dec 1, 2018, 11:04 AM IST

దాదాపు 10,500 స్క్రీన్ లలో విడుదలైన ఈ సినిమా రికార్డు కలెక్షన్లు రాబడుతోంది. రజినీకాంత్ కెరీర్ లో బెస్ట్ ఓపెనింగ్స్ రాబట్టింది ఈ సినిమా. రెండు తెలుగు రాష్ట్రాల్లో మొదటిరోజు రూ.12 కోట్ల షేర్ వసూలు చేసింది. వీకెండ్ కావడంతో మల్టీప్లెక్స్ లో టికెట్లు కూడా దొరకడం లేదు.

కానీ ఓవర్సీస్ లో మాత్రం సినిమా పరిస్థితి భిన్నంగా ఉంది. మొదటిరోజు ఈ సినిమా అక్కడ 5 మిలియన్ డాలర్లు వసూలు చేస్తుందని అంచనా వేశారు. కానీ 2 మిలియన్ మార్క్ దగ్గరే సినిమా ఆగిపోయింది. దీనికి సంబంధించి అధికార ప్రకటన రావాల్సివుంది.

అమెరికాలో ఈ సినిమా టికెట్లను యాభై శాతం ఆఫర్ లో ఆన్ లైన్ లో అమ్మకానికి పెట్టారు. కొత్త అకౌంట్ ఓపెన్ చేసుకొని ప్రోమో కోడ్ అప్లై చేస్తే సగం రేటుకే సినిమా టికెట్ పొందవచ్చు.