మా డైరెక్టర్ '2.0' చూడనివ్వలేదు.. హీరోయిన్ కామెంట్స్!

Highlights

దర్శకుడు శంకర్ రూపొందించిన '2.0' సినిమా ఈరోజు ప్రపంచవ్యాప్తంగా ప్రేక్షకుల ముందుకు వచ్చింది. అయితే ఈ సినిమా కోసం రజినీకాంత్ అభిమానులతో పాటు సెలబ్రిటీలు కూడా ఎదురుచూశారు.

దర్శకుడు శంకర్ రూపొందించిన '2.0' సినిమా ఈరోజు ప్రపంచవ్యాప్తంగా ప్రేక్షకుల ముందుకు వచ్చింది. అయితే ఈ సినిమా కోసం రజినీకాంత్ అభిమానులతో పాటు సెలబ్రిటీలు కూడా ఎదురుచూశారు. ఈ సినిమా ఫస్ట్ డే ఫస్ట్ షో చూడాలని అందరూ ఆశ పడ్డారు కానీ కొందరికి మాత్రం కుదరలేదు.

అఖిల్ నటించిన 'హలో' సినిమాతో తెలుగు తెరకు పరిచయమైన హీరోయిన్ కళ్యాణి ప్రియదర్శన్ కూడా ఈ సినిమాను ఫస్ట్ డే చూడాలనుకుందట. కానీ దర్శకుడు మాత్రం తనకు పర్మిషన్ ఇవ్వలేదని అంటోంది. కిషోర్ తిరుమల దర్శకత్వంలో సాయి ధరం తేజ్ హీరోగా 'చిత్రలహరి' సినిమా తెరకెక్కుతోన్న సంగతి తెలిసిందే.

ఈ సినిమాలో ఒక హీరోయిన్ గా కళ్యాణి ప్రియదర్శన్ నటిస్తోంది. ఈ సినిమా షూటింగ్ పూర్తి కాకపోవడంతో కళ్యాణిని '2.0' సినిమా చూడడానికి డైరెక్టర్ పర్మిషన్ ఇవ్వలేదట. ఆ మ్యాజిక్ ని తెరపై చూడాలని నాకెంతో ఆతురతగా ఉందని, ఈరోజు సినిమా షూటింగ్ పూర్తయిన వెంటనే '2.0' చూస్తానని కళ్యాణి సోషల్ మీడియాలో రాసుకొచ్చింది.

Director Garu is not allowing me to skip work and watch @2Point0movie! 😝
Can’t wait to watch the magic once we wrap! 🤩#2Point0FromToday pic.twitter.com/vgieETYuR7
— Kalyani Priyadarshan (@kalyanipriyan) November 29, 2018