ప్రణయ్ హత్య: జగదీశ్వర్ రెడ్డితో మారుతీ రావు ఫొటో వైరల్

మిర్యాలగుడాలో ప్రణయ్ హత్య కేసుకు తెలంగాణ రాష్ట్ర సమితి (టీఆర్ఎస్) తాజీ మాజీ ఎమ్మెల్యే వేము ల వీరేశంకు లింక్ పెడుతూ వార్తలు వచ్చాయి. అయితే, ప్రణయ్ హత్యతో తనకు ఏ విధమైన సంబంధం లేదని వేముల వీరేశం స్పష్టం చేశారు.

హైదరాబాద్: మిర్యాలగుడాలో ప్రణయ్ హత్య కేసుకు తెలంగాణ రాష్ట్ర సమితి (టీఆర్ఎస్) తాజీ మాజీ ఎమ్మెల్యే వేము ల వీరేశంకు లింక్ పెడుతూ వార్తలు వచ్చాయి. అయితే, ప్రణయ్ హత్యతో తనకు ఏ విధమైన సంబంధం లేదని వేముల వీరేశం స్పష్టం చేశారు. ఇదే సమయంలో మరో విషయం కూడా గుప్పుమంది.

ఆపద్ధర్మ మంత్రి జగదీశ్వర్ రెడ్డితో ప్రణయ్ హత్య కేసు నిందితుడు, అమృత తండ్రి మారుతీ రావు వేదికను పంచుకున్న ఫొటో సోషల్ మీడియాలో వైరల్ అవుతోంది. ఆదివారంనాడు ఆ ఫొటో వైరల్ అవుతూ వచ్చింది. 

జగదీశ్వర్ రెడ్డి జన్మదినం సందర్భంగా శుభాకాంక్షలు తెలియజేస్తూ మిర్యాలగుడాలో మారుతీ రావు ఫ్లెక్సీ ఏర్పాటు చేశాడు. వేముల వీరేశం తనకు, తన భర్త ప్రణయ్ కు ఫోన్ చేశాడని అమృత చెప్పిన నేపథ్యంలో ఆ ఫొటో వైరల్ అవుతోంది. 

తన తండ్రి బీహార్ ముఠాతో సంబంధాలు లేవని, స్థానికంగా మాత్రమే తన తండ్రి మారుతీ రావు శక్తిమంతుడని, వేముల వీరేశం డీల్ ను కుదిర్చి ఉంటాడని అమృత చెప్పింది. వేముల వీరేశంకు ఈ కేసుతో సంబంధం ఉన్నట్లు తమకు ఏ విధమైన ఆధారాలు కూడా లభించలేదని ఎస్పీ ఎవి రంగనాథ్ స్పష్టం చేశారు. 

వ్యక్తిగత కక్షతోనే ప్రణయ్ హత్య జరిగిందని, అయితే తాను ఎవరికి కూడా క్లీన్ చిట్ ఇవ్వడం లేదని, రెండు మూడు రోజుల్లో పూర్తి వివరాలతో మీడియా ముందుకు వస్తానని ఎస్పీ చెప్పారు. 

ఈ వార్తాకథనాలు కూడా చదవండి